ԵՐԵՎԱՆ, 13 հոկտեմբերի. /Նովոստի–Արմենիա/. Հայ երգիչ Զաալի Սարգսյանի հիանալի ձայնը ստիպել է Ռուսաստանի Առաջին ալիքով հեռարձակվող «Ձայնը» շոուի ժյուրիի անդամ Ալեքսանդր Գրադսկուն անմիջապես շրջվել «կույր» լսումների ժամանակ։
Զաալի Սարգսյանը 28 տարեկան է։ Նա Դոնի Ռոստովից է։ Շոուում նրան երկրպագելու է եկել ողջ ընտանիքը։ Երգիչը կատարել է «Հեռացիր» երգը։
«Շատ գեղեցիկ տեմբր է` համակող և ռեզոնանսային», – հայտարարել է ժյուրիի մյուս անդամը` Պելագեան։
Լեոնիդ Ագուտինն էլ իր հերթին նշել է, որ չի շրջվել, քանի որ Գրադսկին տենոր է փնտրում։
«Արժանի էիք, որպեսզի բոլորս շրջվենք», – նշել է Ագուտինը։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում