Վալերի Մելաձեն կատարել է պատանի Ռուբեն Աթաբեկյանի վաղեմի երազանքը (ՎԻԴԵՈ)
20.03.2019,
10:59
Վալերի Մելաձեն կատարել է պատանի Ռուբեն Աթաբեկյանի վաղեմի երազանքը:
ԵՐԵՎԱՆ, 20 մարտի./Նովոստի–Արմենիա/. Հայտնի երգիչ Վալերի Մելաձեն Կեմերովոյում կայացած համերգի ժամանակ կատարել է դպրոցական Ռուբեն Աթաբեկյանի խնդրանքը։
Ինչպես գրում է «Կոմսոմոլսկայա պրավդան», ելույթի ժամանակ տղան բեմ է բարձրացել` խնդրելով երգել Մելաձեի հետ, երգիչը չի մերժել։
Ռուբենը նշել է, որ միշտ երազել է երգել Վալերի Մելաձեի հետ։ Եվ Ռուբենի կուռքը նման հնարավորություն է ընձեռել երկրպագուին, նրանք միասին կատարել են «Դերասանուհի» («Актриса») երգը։
«Երգեցի Վալերի Մելաձեի հետ։ Շատ ուրախ զգացմունքներ ունեցա։ Շնորհակալ եմ Վալերի Շոթաևիչին նման համերգի համար։ Այն ինձ շատ դուր եկավ, սա այս տարվա լավագույն օրն էր», – գրել է Ռուբենն Instagram–ի իր էջում։
Վալերի Մելաձեն հանդես է եկել Կեմերովոյում «Ազատ թռիչք» ծրագրով։–0–
Պատճենել հղումը
