Ռոման Պոլանսկին դարձել է «Սեզար» ֆրանսիական կինոմրցանակի նախագահը

ԵՐԵՎԱՆ, 18 հունվարի. /Նովոստի–Արմենիա/. Ռեժիսոր Ռոման Պոլանսկին դարձել է «Սեզար» 42–րդ ֆրանսիական կինոմրցանակի նախագահը։

Ինչպես հաղորդում է gazeta.ru–ն, հղում անելով Variety–ին, այս պատվավոր պաշտոնը վկայում է այն «անսասան հիացմունքի» մասին, որը Կինեմատոգրաֆի արվեստի և տեխնոլոգիաների ակադեմիան տածում է Պոլանսկու նկատմամբ։

«Նկարիչ, կինեմատոգրաֆիստ, պրոդյուսեր, սցենարիստ, կատակերգու, ռեժիսոր, այնքան շատ բառեր կան Ռոման Պոլանսկուն նկարագրելու համար, սակայն միայն մեկն է արտահայտում մեր հիացմունքը. շնորհակալություն, պարոն նախագահ», – նշել են ակադեմիայից։

Պոլանսկին բազմիցս դարձել է «Սեզարի» դափնեկիր։ Բացի այդ, նա արժանացել է «Օսկարի»։

«Սեզար» մրցանակաբաշխությունը տեղի կունենա Փարիզում փետրվարի 24–ին։–0–