«Հովեր-Սեպտետը» ելույթ կունենա «Ազգային պատկերասրահ» միջազգային երաժշտական փառատոնի փակման արարողությանը

ԵՐԵՎԱՆ, 6 հուլիսի. /Նովոստի-Արմենիա/. «Ազգային պատկերասրահ» միջազգային երաժշտական 12-րդ փառատոնի հանդիսավոր փակման արարողությանը ելույթ կունենա «Հովեր-Սեպտետը»` ՀՀ վաստակավոր գործիչ Սոնա Հովհաննիսյանի ղեկավարությամբ:

«Ազգային պատկերասրահ» միջազգային երաժշտական 12-րդ փառատոնն անցկացվում է Երևանում հունիսի 18-ից հուլիսի 7-ը: Նրա շրջանակում նախատեսված էր հինգ համերգ: Դրանցից առաջինը նվիրված էր վերջերս մահացած օպերային երգիչ Գեղամ Գրիգորյանին:

Եզրափակիչ համերգի ծրագրում, որը տեղի կունենա հուլիսի 7-ին Ազգային Պատկերասրահի Որմնանկարների սրահում, կհնչեն Կոմիտասի, Սայաթ – Նովայի, Ա.Պիարտի, Ք.Պենդերեցկիի, Ա. Ավանեսովի ստեղծագործությունները:

«Ազգային պատկերասրահ» փառատոնն անցկացվում է 2005 թ.-ից` «Արվեստների պատկերասրահ» մշակութային հիմնադրամի և ՀՀ մշակույթի նախարարության աջակցությամբ:

«Նովոստի-Արմենիա» գործակալությունը «Ազգային պատկերասրահ» փառատոնի ինֆորմացիոն հովանավորն է: -0-