Հայտնի է դարձել «Եվրատեսիլ 2017»-ի հայաստանյան մասնակցի անունը

ԵՐԵՎԱՆ, 24 դեկտեմբերի. /Նովոստի-Արմենիա/. Քիչ առաջ Հանրային հեռուստաընկերության «Դեպի Եվրատեսիլ» ծրագրի շրջանակում հայտնի դարձավ, որ եվրոպական ամենամասշտաբային երաժշտական շոուին Հայաստանը կներկայացնի Արծվիկ Հարությունյանը:

«Դեպի Եվրատեսիլ» նախագծի եզրափակիչ փուլում Արծվիկը պայքարում էր Մարտայի հետ: Երգչուհին հաղթող ճանաչվեց համահայկական ժյուրիի գնահատականների և հեռուստադիտողների SMS քվեարկության արդյունքում։

Ավելի վաղ հայտնի էր դարձել, որ «Եվրատեսիլ 2017» –ին կմասնակցեն 43 երկիր ներկայացնող երգիչներ, կիսաեզրափակիչները կանցկացվեն մայիսի 9–ին և 11–ին, իսկ եզրափակիչը` մայիսի 13–ին։

Ուկրաինան մրցույթն անցկացնելու հնարավորություն է ստացել երգչուհի Ջամալայի «1944» երգի հաղթանակի շնորհիվ։

Հայաստանը «Եվրատեսիլին» մասնակցում է 2006 թ.–ից։ Լավագույն արդյունքը` չորրորդ տեղը, ապահովել են երգչուհի Սիրուշոն 2008 թ.–ին և Արամ MP3–ը 2014 թ.–ին։–0–