Հայկական փառատոնն ընդգրկվել է ԱՊՀ-ի 2017 թ.-ի լավագույն հնգյակում

ԵՐԵՎԱՆ, 27 հունիսի. /Նովոստի-Արմենիա/. Հայկական «EPIC Rock Fest Armenia 2017» փառատոնն ընդգրկվել է ԱՊՀ-ի ամենահայտնի open-air միջոցառումների լավագույն հնգյակում։

TurStat վերլուծական գործակալությունը կազմել է 2017թ.–ի ամառային սեզոնի ընթացքում ԱՊՀ–ում և Վրաստանում անցկացվող բացօթյա ամենահայտնի երաժշտական ​​փառատոների վարկանիշը։   

Top-5–ում ընդգրկվել են GEM Fest–ը (Անակլիա), «Рок за Бобров»–ը (Մինսկ), «Տապ»–ը (Բաքու), «FourЭ»–ն (Ալմաթի) և EPIC Rock Fest Armenia–ն (Ծաղկաձոր):

Վարկանիշը կազմվել է փառատոների կազմակերպիչների տվյալների վերլուծության արդյունքում։

EPIC Rock Fest Armenia 2017 տեղի կունենա օգոստոսի 12-ից 13-ին Ծաղկաձորում: Բացօթյա ռոք փառատոնին կմասնակցեն Dogma, «Ոստան Հայոց», Vordan Karmir, Empyray, Rozen Tal, Nemra և Black Marrows խմբերը: -0-