ԵՐԵՎԱՆ, 22 հոկտեմբերի. /Նովոստի Արմենիա/. Ռուսաստանի Առաջին ալիքով հեռարձակվող «Գոլոս» շոուի 6-րդ եթերաշրջանի «Մենամարտեր» փուլում Դիանա Շալժիյանը գերել է Լեոնիդ Ագուտինին, ով որոշել է թողնել Դիանային նախագծում։
Загружается новость ... "Лево"
25-ամյա Դիանա Շալժիյանը «մենամարտել է» 21-ամյա Օլիկա Գրոմովայի հետ։ Աղջիկները կատարել են «Хорошие девчата» երգը սովետական «Девчата» ֆիլմից։
Ըստ շոուի կանոնների, ելույթից հետո նրանց մարզիչը պետք է ընտրի`իր երկու մասնակիցներից ով է անցնում հաջորդ փուլ։ Ընդ որում, ժյուրիի մյուս անդամները կարող են «փրկել» երկու մասնակիցներին, որոնք չեն ընտրվել իրենց մարզիչների կողմից։
«Երկուսիդ էլ շատ լավ հասկանում եմ, հասկանում եմ նաև, որ ձեզնից ամեն մեկը կարող է ինչ-որ հետաքրքիր բան անել։ Սակայն ես շատ լավ պատկերացնում եմ՝ ինչ կարող է անել Դիանան, իսկ Օլիկա, դու ի՞նչ կարող ես անել՝ ես այդպես էլ չպատկերացրի։ Դա իմ բացթողումն է։ Ուզում եմ խնդրել Դիանային մնալ իմ թիմում», - ասել է Ագուտինը։
Նշենք, որ ժյուրիի անդամ Ալեքսանդր Գրադսկին վերցրեց Օլիկա Գրոմովային իր թիմ։ -0-
