Վլադիմիր Պետրոսյանը նշանակվել է Մոսկվայի քաղաքապետի՝ սոցքաղաքականության հարցերով տեղակալ

Մոսկվայի բնակչության սոցիալական պաշտպանության դեպարտամենտի ղեկավար Վլադիմիր Պետրոսյանը նշանակվել է քաղաքապետի՝ սոցիալական քաղաքականության հարցերով տեղակալի ժամանակավոր պաշտոնակատար, հայտնում է ՌԻԱ Նովոստին՝ հղում անելով քաղաքապետի մամուլի ծառայությանը և մայրաքաղաքի կառավարությանը:

Սոցիալական քաղաքականության հարցերով փոխքաղաքապետ Լյուդմիլա Շվեցովան Մոսկվայի քաղաքապետի երեք տեղակալներից մեկն է, ով մնացել է նոր քաղաքագլուխ Սերգեյ Սոբյանինի թիմում՝ Յուրի Լուժկովի հրաժարականից հետո: Երեքշաբթի նա լրագրողներին հայտնել է ՌԴ Պետդումա աշխատանքի անցնելու մասին: Ավելի վաղ նա ընդգրկվել էր «Եդինայա Ռոսիա»-ից Պետդումայի թեկնածուների մոսկովյան ցուցակի առաջին եռյակում:

«Վլադիմիր Արշակովիչը (Պետրոսյանը) ժամանակավորապես փոխարինում է Լյուդմիլա Շվեցովային, ով պատգամավորական մանդատ է ընդունել և անցել աշխատանքի Պետական դումայում»,- ասել է գործակալության զրուցակիցը: -0-