ՀԱՊԿ-ի ճգնաժամային արձագանքման մեխանիզմները պետք է շտկել. ՀԱՊԿ գլխավոր քարտուղար

Ճգնաժամային իրավիճակների մոդելավորումը Հավաքական անվտանգության պայմանագրի կազմակերպման ձևաչափում ճգնաժամային արձագանքման մեխանիզմների աշխատանքում խնդիրներ է հայտնաբերել, հայտնեց ՀԱՊԿ գլխավոր քարտուղար Նիկոլայ Բորդյուժան։

«Շատ կարևոր հարց կա՝ որոշումների իրագործումը»,- ՀԱՊԿ արտգործնախարարների խորհրդի նիստից հետո Բելառուսի նախագահ Ալեքսանդր Լուկաշենկոյի հետ հանդիպման ժամանակ ասաց Բորդյուժան։ Հանդիպմանը մասնակցում են ՀԱՊԿ-ում ընդգրկված արտաքին քաղաքական գերատեսչությունների ղեկավարները, հաղորդում է «ՌԻԱ Նովոստին»։

«Որոշումների իրագործման շրջանակներում, որոնք Հավաքական անվտանգության խորհրդի դեկտեմբերյան նստաշրջանի ժամանակ կայացրել էին նախագահները, իմ կարծիքով հատուկ հետաքրքրություն է առաջացրել գործնական խաղ անցկացնելու հետ կապված հարցը։ Դրա ժամանակ մենք փորձում էինք գործնականում մշակել ճգնաժամային արձագանքման մեխանիզմները՝ այն կանոնակարգիչ փաստաթղթերից ելնելով, որոնք ընդունվել են պետությունների ղեկավարների կողմից»,- ասաց Բորդյուժան։

Ըստ նրա՝ գործնական խաղը, որի ընթացքում  պետություններից մեկում մոդուլացվում էր ճգնաժամային իրավիճակի զարգացումը, «գործնական հակտության բավական մեծ քանակության խնդիրներ» ցույց տվեց։ -0-