ԵՐԵՎԱՆ, 6 դեկտեմբերի. /Նովոստի-Արմենիա/. Ռուսաստանի արտաքին գործերի նախարար Սերգեյ Լավրովն առաջվա պես հետաքրքիր չի համարում WikiLeaks կայքում տեղ գտած հրապարակումները։ «Դա ինձ հետաքրքիր չէ»,- ասել է նա, հաղորդում է «ՌԻԱ Նովոստին»։
Պատասխանելով այն հարցին, թե արդյոք, ԱԳՆ ղեկավարը մտավախություն չունի՞, որ կարող են հրապարակվել ռուս դիվանագտներին վերաբերող փաստաթղթեր, Լավրովը հավաստիացրել է. «Նման փաստաթղթեր չկան»։
Նախարարը հրաժարվել է մեկնաբանել հրապարակված նյութերում ԱՄՆ-ի իշխանությունների կողմից իրենց մի շարք դիվանագետներին հետ կանչելու մտադրությունը։
«Ես իրավունք չունեմ միջամտելու պետդեպարտամենտի աշխատանքին»,- ասել է նա։
Ավելի վաղ ԱՄՆ իշխանությունների ներկայացուցիչները հայտարարել են, որ գաղտնի դիվանագիտական նամակագրության հրապարակումը կարող է հանգեցնել որոշ ամերիկացի դիվանագետների հետ կանչելուն։ Մասնավորապես, նման կարծիք է արտահայտել ԱՄՆ Կոնգրեսի արտաքին գործերի կոմիտեի նախագահ Ջոն Քերին։ -0-
