Վոլգոգրադի «Պոբեդա» հիմնադրամը վետերաններին օգնություն ցուցաբերելու նպատակով ռեկորդային 25 միլիոն ռուբլի է հավաքել
Վոլգոգրադի «Պոբեդա» հիմնադրամը, որի հաշվեհամարին են փոխանցվում վետերաններին հասցեական օգնության համար նախատեսված բարեգործական միջոցները, 2010 թ.-ին ռեկորդային գումար է հավաքել, ասել է Վոլգոգրադի մարզպետի տեղակալ, քաղաքական քարտուղար Սերգեյ Իլյինը ԱՊՀ և Բալթյան երկրների լրագրողների հետ հանդիպման ընթացքում:
«Մայիսի 1-ի դրությամբ հավաքվել է շուրջ 25 միլիոն ռուբլի: Սա իսկապես մասնավոր նվիրատվություններ են՝ սկսած 300-500 ռուբլուց մինչև մեծ կորպորատիվ նվիրատվություններ: Հիմնադրամի հաշվեհամարին ավելի քան երեք հազար փոխանցում է կատարվել», - նշել է Իլյինը:
Նրա խոսքերով, ապահոված է հիմնադրամի գործունեության առավելագույն թափանցիկությունը, մասնավորապես՝ www.pobeda34.ru կայքում ներկայացված է տոնական միջոցառումների նախապատրաստման և անցկացման մասին տեղեկատվությունը:
«Սա հատուկ տեղեկատվական ռեսուրս է, և հենց այստեղ ամեն օր թարմացվել է տեղեկատվությունն այն մասին, թե ինչ քանակի գումարներ են ստացվում և ինչպես են դրանք ծախսվում», - ասել է Իլյինը:
ԱՊՀ և Բալթյան երկրների լրագրողները գտնվում են Վոլգոգրադում՝ ՌԻԱ Նովոստիի կողմից լրագրողների համար կազմակերպված շրջագայության շրջանակներում, որը նվիրված է Մեծ հաղթանակի 65-ամյակին:-0-
