Գուս Հիդդինգի հետ պայմանագիրը հնարավոր է վաղաժամ լուծարվի. Ֆուրսենկո
Ռուսաստանի ֆուտբոլի հավաքականի մարզիչ Գուս Հիդդինգի հետ պայմանագիրը հնարավոր է վաղաժամ լուծարվի, հայտնեց Ռուսաստանի ֆուտբոլի միության (ՌՖՄ) նախագահ Սերգեյ Ֆուրսենկոն, հաղորդում է «ՌԻԱ Նովոստին»։
Հոլանդացի մասնագետի պայմանագիրը ՌՖՄ հետ ավարտվում է հուլիսի 15-ին։ Ըստ նրա գործակալ Կիս վան Նյուվենհեյզենի՝ Հիդդինգը աշխատավարձ չի ստացել այս տարվա հունվար ամսից, և եթե պայմանները կատարելու հարցի վերաբերյալ համաձայնության փոխզիջումային որոշում չընդունվի, նա պատրաստ է դատարան դիմել։
«Բանակցությունների նորմալ աշխատանքային գործընթաց է ընթանում։ Ես չեմ բացառում, որ պայմանագիրը կարող է վաղաժամ լուծարվել։ Բայց այդ ամենը բանակցությունների հարց է»,- երեքշաբթի ՌՖՄ նիստի ժամանակ ասաց Ֆուրսենկոն։
ՌՖՄ ղեկավարը նաև հաղորդեց, որ Ռուսաստանի հավաքականի նոր ղեկավարի անունը կհայտարարվի մայիսի 17-ին։ -0-
