Իոսիֆ Կոբզոնը ընկերներին հրավիրել է իր ծննդյան կապակցությամբ կազմակերպված համերգին

ԵՐԵՎԱՆ, 11 սեպտեմբերի. /Նովոստի-Արմենիա/. Երգիչ Իոսիֆ Կոբզոնը իր 72-ամյակը կնշի «Լուժնիկիի» «Ռոսիա» պետական կենտրոնական համերգային դահլիճի բեմում, որտեղ հոբելյարը հանդես կգա անսպասելի դուետներով ռուսական էստրադայի աստղերի հետ, «ՌԻԱ Նովոստիին» տեղեկացրել են կազմակերպիչները:

«Այս համերգը տեղի կունենա լեգենդար երգչի ծննդյան օրը: Համերգը բաղկացած կլինի ծննդյան օրվան հրավիրված արտիստների և Իոսիֆ Կոբզոնի անսպասելի դուետներից», - պատմել է գործակալության զրուցակիցը: Նա նշել է, որ չի կարող բացել կայանալիք համերգի բոլոր գաղտնիքները, սակայն ասել է, որ «Կոբզոնը, օրինակ, Ռոստորգուևի հետ կերգի «Տղաները մեր բակից» (Ребята с нашего двора) երգը»:

«Ի դեպ, բեմը կզարդարդվի մոսկովյան բակի ոճով, որտեղ Կոբզոնին կայցելեն հյուրերը», - պատմել է կազմակերպիչներից մեկը:

Կոբզոնին շնորհավորելու կգան Ալեքսանդրա Պախմուտովան, Ալեքսանդր Ռոզենբաումը, Զուրաբ Սոթքալիվան, Օսկար Ֆալցմանը, Նիկոյալ Բասկովը, Վալերիան, Լև Լեշչենկոն, Թամարա Գվարցետելին, Լայմա Վայկուլեն, Ալեքսանդր Բույնովը, Նադեժդա Բաբկինան և նրա «Ռուսկայա պեսնյա» համույթը, Բորիս Մոիսեևը, Տայիսիա Պովալին, Իրինա Օտիևան, Վալենտինա Լեգկոստուպովան, Նատալյա Գորդիենկոն, «Ռեսպուբլիկա» խումբը, «Նեպոսեդի» համույթը և շատ այլ արտիստներ: Համերգը կվարի Սվետլանա Մորգունովան:-0-