ՌԴ Անվտանգության խորհրդի քարտուղարը կարևորում է ՀՇԿ-ի զարգացումը Ռուսաստանի արտաքին քաղաքականության համար

Համագործակցության շանհայան կազմակերպության (ՀՇԿ) զարգացումը Ռուսաստանի արտաքին քաղաքականության առաջնահերթությունն է, տեղեկացրել է ՌԴ Անվտանգության խորհրդի քարտուղար Նիկոլայ Պատրուշևը՝ բացելով կազմակերպության անդամ-պետությունների Անվտանգության խորհրդի քարտուղարների չորրորդ նիստը։

ՀՇԿ-ն տարածաշրջանային կազմակերպություն է, որի կազմում են Ռուսաստանը, Ղազախստանը, Չինաստանը, Ղրղզստանը, Տաջիկստանն ու Ուզբեկստանը։

«ՀՇԿ-ի զարգացումը Ռուսաստանի արտաքին քաղաքականության առաջնահերթությունն է։ Կազմակերպության կազմավորման պահից սկսած այն գործով ապացուցում է ժամանակակից մարտահրավերներին և սպառնալիքներին (ինչպիսիքն են ահաբեկչությունն ու կազմակերպված հանցավորությունը) դիմակայելուն ուղղված ջանքերի արդյունավետությունը», - ասել է Պատրուշևը։

Նրա խոսքերով՝ համաշխարհային ֆինանսական ճգնաժամը մղում է պետություններին արդյունավետ համագործակցության փոխգործակցության բոլոր ոլորտներում։-0-