ՎՏԲ բանկը քննարկում է իր ներկայության հնարավորությունը Թուրքմենստանում, ուրբաթ Աշխաբադում լրագրողներին է տեղեկացրել բանկի նախագահ Անդրեյ Կոստինը, հաղորդում է «ՌԻԱ Նովոստին»։
Միաժամանակ, նրա խոսքերով, ՎՏԲ բանկը կոնկրետ նախագծեր դեռևս չունի այդ երկրում։
«Սա առաջին այցն է Թուրքմենստան, մենք այսօր արդեն հանդիպել ենք Ազգային բանկի նախագահի հետ, ցանկանում ենք տեսնել, ավելի շատ բան իմանալ՝ հայտ տալու մասին որոշում ընդունելու համար։ Մենք դեռ չենք կողմնորոշվել», - ասել է ՎՏԲ-ի նախագահը։
Նա տեղեկացրել է, որ ռուս-թուրքմենական բանակցություններից հետո նա ծրագրում է շարունակել հանդիպումը Ազգային բանկում և զրուցել Թուրքմենստանի Վնեշէկոնոմբանկի ներկայացուցիչների հետ։ «Թուրքմենստանում կա արտասահմանյան բանկերի համակարգ, հիմնականում, իհարկե, դրանք հարևան երկրներն են՝ Իրանը, Թուրքիան։ Այնուամենայնիվ, մեզ դա հետաքրքրում է, և մենք ուսումնասիրում ենք իրավիճակը», - ասել է Կոստինը։
«ՎՏԲ բանկ» ԲԲԸ-ն և նրա դուստր բանկերը ձևավորում են ռուսական առաջատար բանկային խումբը, որոնք բանկային ծառայություններ և ապրանքներ են մատուցում Ռուսաստանում, ԱՊՀ որոշ երկրներում և Արևմտյան Եվրոպայի, Ասիայի ու Աֆրիկայի մի քանի երկրներում։ Խմբի գլխավոր բանկը՝ «ՎՏԲ բանկ» ԲԲԸ-ն, Ռուսաստանում երկրորդ խոշորագույն բանկն է։-0-
