Վրաստանում բացվել է ԱՊՀ երկրների ԱԳՆ ղեկավարների խորհրդի նիստը

ԵՐԵՎԱՆ, 28 հունիսի. /Նովոստի-Արմենիա/. Շաբաթ օրը Վրաստանում բացվել է ԱՊՀ մասնակից-պետությունների արտաքին գործերի նախարարների խորհրդի (ԱԳՆԽ) նիստը, հաղորդում է «ՌԻԱ Նովոստին»։

«Խորհուրդն հանդես է եկել է որպես անդրազգային հանցագործության պայքարում խնդիրների լուծմանը խթանող գործող մարմին», նիստին հայտարարել է Ադրբեջանի ԱԳՆ ղեկավար Ռամիլ Ուսուբովը։

Նա ԱԳՆԽ-ի նախագահի լիազորությունները նա փոխանցել է Վրաստանի արտաքին գործերի նախարար Իվան Մերաբիշվիլիին։

Վրաստանի ԱԳՆ ղեկավարը, բացելով նիստը, ողջունեց ժողովի մասնակիցներին և բոլոր ներկաներին շնորհակալություն հայտնեց, որ կարողացել են Բաթումի ժամանել։

Նիստին ելույթ ունեցած Վրաստանի ազգային անվտանգության խորհրդի քարտուղար Ալեքսանդր Լոմայան նշեց, որ վերջին շրջանում Վրաստանի իրավապահ համակարգում անցկացված բարեփոխումներն ամենահաջողվածն են։ «Հանցագործության դեմ պայքարում փորձի փոխանակման մեջ հաջող համագործակցություն եմ մաղթում խորհրդակցության մասնակիցներին, մասնավորապես, այնպիսի հանցագործությունների դեպքում, ինչպիսին է մարդկանց առևտուրը»,- ասաց նա։

Վրաստանի ԱԱԽ անունից նա ԱԳՆԽ նիստի բոլոր մասնակիցներին մաղթեց «արդյունավետ աշխատանք ապագայում»։

Նիստին Հայաստանի պատվիրակությունը ներկայացնում է Հայաստանի ոստիկանության պետ, գեներալ-մայոր Ալիկ Սարգսյանը։-0-