ՌԴ նախագահը դերասան Ալեքսանդր Աբդուլովին պարգևատրել է «Հայրենիքի առջև ունեցած վաստակների համար» շքանշանով

ԵՐԵՎԱՆ, 8 օգոստոսի./Նովոստի-Արմենիա/. Վլադիմիր Պուտինը պետական շքանշաններով պարգևատրել է մշակույթի մի շարք գործիչների, որոնց թվում դերասաններ, երաժիշտներ, նկարիչներ և մշակութային հաստատությունների ղեկավարներ, հայտնում է «ՌԻԱ Նովոստին»` հղում անելով ՌԴ նախագահի մամուլի ծառայությանը:

«Մասնավորապես, «Հայրենիքի առջև ունեցած վաստակների համար» չորրորդ աստիճանի շքանշանով պարգևատրվել է Ալեքսանդր Աբդուլովը «թատերական արվեստի զարգացման գործում իր մեծ ավանդի և բազմամյա ստեղծագործական գործունեության համար»:

Աբդուլովի անունը անքակտելիորեն կապված է «Լենկոմ» թատրոնի հետ: Կինոյում նրա դեբյուտը եղել է 1974 թվականին: Դերասանին մեծ հռչակ է բերել Եվգենի Շվարցի համանուն պիեսի հիման վրա Մարկ Զախարովի բեմադրած «Սովորական հրաշք» (1978) հեռուստատեսային ֆիլմում խաղացած Արջի դերը: 

Աբդուլովի ամեհայտնի դերասանական աշխատանքներից են Նիկիտան` Տատյանա Լիոզնովայի «Կառնավալ»-ում, Ռոբեր մարդասպանը` Ալլա Սուրիկովայի «Փնտրեք կնոջը» դետեկտիվում, լիրիկական հերոս Իվանի կերպարը` «Չառոդեևից»։ Աբդուլովը նկարահանվել է կատակերգություններում («Ամենահմայիչը և ամենահրապուրիչը», «Գեղեցիկ կանանց համար», «Սիրո բանաձևը», «Անեկդոտներ»), դրամաներում («Պահպանիր ինձ, իմ թալիսման» և Ռոման Բալայանի «Լեդի Մակբեթը` Մցենսկի գավառից», Դմիտրի Մեսխիևի «Սև ջրերի վրա»), ինչպես նաև քրեա-արկածային և դետեկտիվ ֆիլմերում (Ստանիսլավ Գովորուխինի «Տասը փոքրիկ նեգրերը»): --0—