Շոգը զիջում է դիրքերը. սպասվում են ամպրոպներ և անձրևներ

ԵՐԵՎԱՆ, 12 օգոստոսի. /Նովոստի-Արմենիա/. Բարձր ջերմային ֆոնը Հայաստանում կպահպանվի օգոստոսի 12-14-ին, այդ օրերին Երևանում, Արարատյան դաշտավայրում և Սյունիքի ցածրադիր վայրերում կանխատեսվում է 38-39 աստիճան տաքություն և բարձր մակարդակի հրդեհավտանգ վիճակ:

Հայհիդրոմետկենտրոնի հաղորդմամբ, օրական միջին ջերմաստիճանն այդ օրերին նորմայից բարձր կլինի 4-5 աստիճանով, իսկ ուլտրամանշուկագույն ճառագայթման ինդեքսը հանրապետությունում օգոստոսի 12-ին կկազմի 7, ինչի պայմաններում խորհուրդ է տրվում ժամը 11:00-ից 15:00 խուսափել արևի ուղիղ ճառագայթներից:


Միաժամանակ, օգոստոսի 15-ին առավելապես հյուսիսային շրջաններում, իսկ օգոստոսի 16-ին` հանրապետության բոլոր մարզերում երեկոյան ժամերին սպասվում են ամպրոպներ և անձրևներ:

Քամին կլինի հարավ-արևմտյան` 3-8 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 17-22 մետր վայրկյան արագությամբ:

Օդի ջերմաստիճանն օգոստոսի 15-16-ին կնվազի 5-6 աստիճանով: -0-