ԵՐԵՎԱՆ, 1 դեկտեմբերի. /Նովոստի–Արմենիա/. Հայաստանի հանրապետական կուսակցությունը չի գնա սահմանադրական բարեփոխումների «ցանկացած գնով», երեքշաբթի լրագրողներին ասաց Հայաստանի Ազգային ժողովի փոխխոսնակ, ՀՀԿ գործադիր կոմիտեի անդամ Էդուարդ Շարմազանովը։
Ըստ նրա, ՀՀԿ–ն միշտ խորհրդարանական կառավարման կողմնակից է եղել և չի կարծում, թե շտապում է սահմանադրական փոփոխությունների հարցում։
«Կարելի է 10 տարի էլ աշխատել փաստաթղթի վրա, բայց չհասնել շոշափելի արդյունքներով, իսկ այժմ անցկացված են բոլոր քննարկումները, իսկ քարոզչությունն աննախադեպ է ըստ էության, քանի որ հասարակությունն ուղիղ եթերով առանց մոնտաժելու կարող է ծանոթանալ բոլոր դիրքորոշումներին և կատարել իր ընտրությունը»,– ասաց Շարմազանովը։
Ինչպես կարծում է փոխխոսնակը, ներկայիս կիսանախագահական համակարգը լուրջ վտանգ է ներկայացնում երկրի անվտանգության համար նախագահի և խորհրդարանի միջև շահերի բախման հավանականության պատճառով։
Ըստ նրա, այսօր ընտրվել է Սահմանադրության ամենառացիոնալ և ճիշտ տարբերակը։ «Սակայն ՀՀԿ–ն իր առջև «ցանկացած գնով» հանրաքվեի դրական արդյունքի հասնելու խնդիր չի դնում, դա կենսապես կարևոր հարց չէ մեզ համար, թեև առաջնային է»,– ասաց Շարմազանովը։
Նա նշեց, որ խորհրդարանական ուժերն իրենց կողմից աննախադեպ համախմբում են ցույց տվել` սատարելով նախագծին ձայների մեծամասնությամբ, միաժամանակ ընգծելով, որ գոյություն ունի մարգինալ ընդդիմությունը, որը դեմ է փոփոխություններին, սակայն չունի սեփական դիրքորոշման բավականաչափ հետևորդներ։
Ըստ նրա, հանրաքվեի նպատակը ոչ թե իշխանության պահպանումը կամ զրկումը ՀՀԿ–ի համար, այլ կայուն և անվտանգ Հայաստանի ստեղծման հնարավորությունը, որտեղ կգերակշռեն գաղափարախոսություն ունեցող կուսակցությունները, ոչ թե անձնական հարցերը։
«Պետք չէ հանրաքվեն դիտարկել իշխանությունների և ընդդիմության առճակատման համատեքստում։ Մենք պարզապես փոփոխություններ ենք առաջարկում, և եթե դրանք չկատարվեն, ապա ամեն ինչ կլինի առաջվա պես։ Իսկ եթե ընդունվեն, ապա ավելի մեծ հնարավորություններ կլինեն կայուն և անվտանգ Հայաստան ձևավորելու համար, որտեղ կգերիշխեն գաղափարախոսական կուսակցությունը»,– ասաց Շարմազանովը։
Հայաստանի Սահմանադրության` կառավարման խորհրդարանական կարգի անցում նախատեսող փոփոխությունների հանրաքվեն կանցկացվի դեկտեմբերի 6–ին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
