ԵՐԵՎԱՆ, 21 հուլիսի. /Նովոստի–Արմենիա/. «Ռոստելեկոմը» հայտարարում է «Շնորհակալություն Ինտերնետին 2017» մրցույթ և հրավիրում բոլոր 50+ տարիքի ցանկացողներին մասնակցության հայտ լրացնել
azbukainterneta.ru կայքում։
Ընկերության մամուլի հաղորդագրության համաձայն, Ռուսաստանում «Азбука Интернета» նախագծի շրջանակում «Ռոստելեկոմն» անցկացնում է «Շնորհակալություն Ինտերնետին 2017» խորագիրը կրող մրցույթը միջին տարիքի բնակչության շրջանում, որի միջոցով մասնակիցները ներկայացնում են իրենց ձեռքբերումները՝ համակարգչային գրագիտության և Ինտերնետի շնորհիվ։
Մասնակցել կարող են 50+ տարիքի բոլոր ցանկացողները և անհրաժեշտ է ընդամենը կայքում բեռնել նկար և փոքր շարադրություն, որը կպատմի, թե ինչ հաջողություններ է գրանցել մասնակիցը Ինտերնետի շնորհիվ։ Առավել մանրամասներ ներկայացված են
www.azbukainterneta.ru կայքի «Մրցույթի մասին» (О конкурсе) բաժնում։
«Հայաստանից մասնակիցները բազմիցս ստացել են մրցանակներ այս մրցույթի շրջանակներում։ Այսպես, 2015թ․ երեք հայաստանյան մասնակցի շնորհվել եին պլանշետներ, իսկ 2016թ․ մրցույթի արդյունքում խրախուսական մրցանակներ էին ստացել Կարեն Գրիգորյանը և Սվետլանա Առաքելյանը»,–նշված է հաղորդագրության մեջ։
«Շնորհակալություն Ինտերնետին 2017» մրցույթի հայտ լրացնել և մասնակցել հնարավոր է մինչև ս․թ․ հոկտեմբերի 9-ը ներառյալ։
Загружается новость ...
"Право"
«Ռոստելեկոմ» ԲԲԸ–ի հայկական դուստր ընկերությունը` «GNC-ALFA» ՓԲԸ–ն, 2012 թ.–ի դեկտեմբերից սկսել է կապի ծառայություններ մատուցել Հայաստանի տարածքում Rostelecom ապրանքանիշի ներքո։
Ընկերության օպտիկամանրաթելային ցանցը ծածկում է Հայաստանի տարածքի 80 տոկոսն` ավելի քան 2500 կմ ընդհանուր երկարությամբ։ Ցանցը միացված է հիմնական տարածաշրջանային մայրուղային ցանցերին և տրաֆիկի փոխանակման խոշոր հանգույցներին, ինչպես նաև Վրաստանի և Իրանի տարածքով անցնող միջազգային խողովակներին։ –0–