Քաղաքացու օրվա կապակցությամբ Երևանի կենտրոնի երթևեկը կսահմանափակվի

ԵՐԵՎԱՆ, 23 ապրիլի․/Նովոստի-Արմենիա/․ Ապրիլի 25-ին Հանրապետության հրապարակ տանող փողոցներում կսահմանափակվի երթևեկությունը։

Այս մասին հայտնում է ՆԳՆ ոստիկանությունը։

Նշվում է, որ Քաղաքացու օրվան նվիրված միջոցառումների մասնակիցների անվտանգությունն ապահովելու նպատակով՝ ապրիլի 25-ին՝ ժամը 00։00-ից ապրիլի 26-ի ժամը 05։00-ն, կսահմանափակվի երթևեկությունը Ամիրյան փողոցում՝ Մաշտոցի պողոտայի խաչմերուկից մինչև Հանրապետության հրապարակ։

Ապրիլի 25-ին՝ ժամը 08։00-ից ապրիլի 26-ը՝ ժամը 01։00-ն փակ կլինեն Հանրապետության հրապարակ տանող բոլոր փողոցները։