Փաշինյան-Ծառուկյան ընդհարումը, բողոքի ակցիաներ, COVID-19-ի դեպքերի էական աճ. ամփոփում ենք սեպտեմբերի 17-ի լրահոսը
08:15
18 Սեպտեմբերի 2020
ԵՐԵՎԱՆ, 18 սեպտեմբերի./Նովոստի-Արմենիա/. Ներկայացնում ենք հինգշաբթի՝ սեպտեմբերի 17-ի առավել ուշագրավ նորությունները:
Հայաստանում սեպտեմբերի 17-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 46671 դեպք, որոնցից 42231-ն` առողջացած, 925-ը` մահվան ելքով: Այսպիսով` երեկ կատարվել է 4319 թեստավորում, որից հաստատվել է կորոնավիրուսային հիվանդության 295 նոր դեպք: Ունենք 162 առողջացած:
ՀՀ վարչապետ Նիկոլ Փաշինյանը կառավարության նիստի ժամանակ արձանագրել է, որ կորոնավիրուսի դեպքերի թվի էական աճ է գրանցվել, ինչը անհանգստացնող միտում է:
ԱԺ–ն նախօրեին նիստի ժամանակ դեմ քվեարկեց «Լուսավոր Հայաստան» խմբակցության հարցապնդմանը, որը վերաբերում էր ԿԳՄՍ նախարար Արայիկ Հարությունյանի հետագա պաշտոնավարման հարցը վարչապետի քննարկմանը ներկայացնելուն:
Սեպտեմբերի 17-ին «Բարգավաճ Հայաստան» կուսակցության երիտասարդները բողոքի ակցիա են կազմակերպել ԿԳՄՍ նախարարության շենքի դիմաց՝ պահանջելով ԿԳՄՍ նախարար Արայիկ Հարությունյանի հրաժարականը:
Նիկոլ Փաշինյանի և Գագիկ Ծառուկյանի միջև ընդհարումը նոր թափ է հավաքում. նրանք փոխանակվել են սուր մեկնաբանություններով Facebook-ի միջոցով, ընդ որում առանց անուններ նշելու:
ԱՆ-ի հաղորդմամբ, կորոնավիրուսային վարակի տարածման ինտենսիվության կարևոր ցուցանիշներից մեկը՝ վերարտադրողականության ցուցանիշը (Rt COVID19) Հայաստանի համար ներկայում աճել է և կազմում է 1.02։ Սույն ցուցանիշը 1-ից բարձր լինելու դեպքում կանխատեսում է վիրուսի արագ տարածման մասին: