«Նուբարաշեն» ՔԿՀ-ի նոր պետ է նշանակվել

ԵՐԵՎԱՆ, 7 մայիսի. /Նովոստի-Արմենիա/. Երևանի «Նուբարաշեն» ՔԿՀ-ի պետ է նշանակվել արդարադատության գնդապետ Սերոբ Հարությունյանը, «Նովոստի-Արմենիա» գործակալությանը հայտնեց ՀՀ Արդարադատության նախարարության քրեակատարողական վարչության մամուլի քարտուղար Գոռ Ղլեչյանը:

ՀՀ Արդարադատության նախարար Արփինե Հովհաննիսյանը համապատասխան հրամանը ստորագրել է մայիսի 6-ին:

Ղլեչյանը հաղորդեց նաև, որ «Նուբարաշեն» ՔՀԿ-ի նախկին պետ Ռուբիկ Ստեփանյանը պաշտոնից ազատվել է:

Արդարադատության նախարարի մայիսի 4-ի հրամանով«Նուբարաշեն» ՔՀԿ-ի պետ Ռուբիկ Ստեփանյանի լիազորությունները ժամանակավորապես կասեցվել էին: ՔՀԿ-ի պարտականությունները ժամանակավորապես ստանձնել էր Քրեակատարողական վարչության անվտանգության ապահովման բաժնի պետ գնդապետ Վարուժան Եղիազարյանը:

Դրանից մեկ օր առաջ հայտնի էր դարձել «Նուբարաշենի» բանտում տեղի ունեցած միջադեպի մասին: Մասնավորապես, քրեական գործի շրջանակում Հատուկ քննչական ծառայության աշխատակիցները երեքշաբթի խուզարկություն են անցկացրել խցերից մեկում, ինչը որոշ բանտարկյալների մոտ դժգոհություն է առաջացրել: Իրավիճակը ժամանակին կարգավորվել է: -0-