Նախորդ շաբաթ Երևանի երեք վարչական շրջանում փոշու պարունակությունը գերազանցել է թույլատրելի նորման

ԵՐԵՎԱՆ, 8 օգոստոսի․/Նովոստի–Արմենիա/․ Հիդրոօդերևութաբանության և մոնիթորինգի կենտրոնը ներկայացնում է Երևանում մթնոլորտային օդի որակը հուլիսի 29-ից օգոստոսի 4-ը (2026թ․)։

Փոշու պարունակությունը գերազանցել է սահմանային թույլատրելի կոնցենտրացիան․

• Կենտրոնում՝ գրեթե ամբողջ շաբաթ,

• Արաբկիրում՝ հուլիսի 29-30-ը և օգոստոսի 2-ին,

• Նոր Նորքում՝ հուլիսի 30-ին,

• Շենգավիթում` չի գերազանցել։

Ազոտի երկօքսիդի պարունակությունը գերազանցել է սահմանային թույլատրելի կոնցենտրացիան․

• Կենտրոնում՝ հուլիսի 31-ին և օգոստոսի 2-4-ը,

• Նոր Նորքում՝ հուլիսի 29-31-ը, օգոստոսի 2-ին և 4-ին,

• Արաբկիրում և Շենգավիթում` չեն գերազանցել։ 

Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան։

Կարդացեք նաև․ երթևեկի փոփոխություն է նախատեսված Երևանի կենտրոնական փողոցներից մեկում