Խոշոր բուքմեյքերական ընկերություն է մտնում հայկական շուկա

ԵՐԵՎԱՆ, 24 մայիսի. /Նովոստի–Արմենիա/. Adjarabet խոշոր բուքմեյքերական և խաղային առցանց հարթակն է մտել հայկական շուկա։

Adjarabet.am–ը գործարկվել է Հայաստանում 2017 թվականի ապրիլին։

Ինչպես չորեքշաբթի մամուլի ասուլիսում հայտնեց Adjarabet ընկերության մարքեթինգային մենեջեր Գեորգի Գվենեթաձեն, ընկերությունը շուկայում գործում է մոտ 20 տարի` իր օգտատերերին առաջարկելով առցանց խաղերի լայն տեսականի` սլոթ, պոկեր, առցանց խաղեր և այլն։

«Adjarabet–ի գոյության ընթացքում դրա օգտատերերն արժանացել են մոտ 6 մլն դոլարի խոշոր շահումների և 200 ավտոմեքենաների։ Բացի այդ, մենք տարածաշրջանի միակ ընկերությունն ենք, որը բացառիկ պայմանագիր ունի պոկերի համաշխարհային The World Series of Poker առաջնության, ինչպես նաև նարդու աշխարհի առաջնության հետ»,– ավելացրեց Գվենեթաձեն։

Նա հայտնեց, որ Adjarabet.com կայքում գրանցվել են բազմաթիվ հայ օգտագործողներ։


«Վերլուծելով, թե կոնկրետ ինչ պրոդուկտներ և խաղեր են հետաքրքրում հայ օգտատերերին` մենք եկանք եզրակացության, որ պետք է մտնել նաև հայկական շուկա և ստեղծել Adjarabet.am կայքը։ Մենք ունենք հայկական շուկայում աշխատելու համար բոլոր անհրաժեշտ արտոնագրերը»,– նշեց Գվենեթաձեն։

Նրա խոսքով, կայքի օգտատեր դառնալ ցանկացողները կարող են իրենց շահումները ստանալ TellCell, Easy Pay, Idram տերմինալներով և Converse Transfer վճարային համակարգով։

Adjarabet ընկերությունը հիմնադրվել է Վրաստանում 1998 թվականին, կովկասյան տարածաշրջանում ամենահաջողված և նորարարական խաղային պորտալներից մեկն է։ -0-