Հինգշաբթի` հունիսի 9–ի առավել ուշագրավ նորությունները
10.06.2016,
08:00
«Նովոստի–Արմենիա» գործակալությունը ներկայացնում է հինգշաբթի` հունիսի 9–ի առավել ուշագրավ նորությունների սեփական տարբերակը։
ԵՐԵՎԱՆ, 10 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է հինգշաբթի` հունիսի 9–ի առավել ուշագրավ նորությունների սեփական տարբերակը։
- Հայտնի բանասեր, ԵՊՀ բանասիրության ֆակուլտետի Հայոց լեզվի ամբիոնի դոցենտ Փառանձեմ Մեյթիխանյանի ամուսնու` 58–ամյա Եղիշե Խաչատրյանի սպանության փաստով հարուցված քրեական գործի շրջանակում պարզվել է հանցագործության դրդապատճառը, 3 անձ ներգրավվել է որպես մեղադրյալ:
- ՀՀ վարչապետ Հովիկ Աբրահամյանի որոշմամբ` երեք փոխնախարարներ ազատվել են զբաղեցրած պաշտոններից։
- Տեսական և կիրառական քիմիայի միջազգային կոմիտեն (IUPAC) չորս տարրի անվանում է տվել, որոնցից մեկը կոչվել է հանրաճանաչ հայ գիտնականի պատվին:
- Հայաստանում անձրևները կշարունակվեն մինչև ընթացիկ շաբաթվա շաբաթ օրը, իսկ օդի ջերմաստիճանը 2-3 աստիճանով կնվազի:
- Անգլիական «Արսենալը» առաջիկայում կարող է հայտարարել Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանի հետ պայմանագրի ստորագրման մասին:
-
ՀՀ կառավարությանն առընթեր ազգային անվտանգության ծառայության կողմից իրականացված մեծածավալ օպերատիվ-հետախուզական, որոնողական և քննչական գործողությունների արդյունքում բացահայտվել է կեղծ փաստաթղթերի պատրաստման և իրացման հանցավոր գործողությունների շարք:
-
ՀՀ քննչական կոմիտեի ՀԿԳ քննության գլխավոր վարչությունում քննվող քրեական գործով ձեռնարկվում են անհրաժեշտ քննչական գործողություններ՝ 2016 թ. ապրիլին նորածին երեխայի առք ու վաճառքի դեպքի բոլոր հանգամանքները պարզելու ուղղությամբ։ -0-
Պատճենել հղումը
