Հայաստանում շաբաթվա վերջում մի փոքր կցրտի

ԵՐԵՎԱՆ, 16 մայիսի. /Նովոստի–Արմենիա/. Հայաստանում օդի ջերմաստիճանը մայիսի 20–ին կնվազի 3-4 աստիճանով, հայտնում է Հայհիդրոմետկենտրոնը։

Շաբաթվա ամենաբարձր ջերմաստիճանները կգրանցվեն Սյունիքի հովիտներում, որտեղ առաջիկա չորս օրերին օդը կտաքանա մինչև 28-33 աստիճան ցերեկային ժամերին, իսկ ուրբաթ սնդիկի սյունը կիջնի մինչև 23-27 աստիճան տաքություն։

Երևանում երկուշաբթի և երեքշաբթի օդի ջերմաստիճանը ցերեկը կկազմի 28-30 աստիճան տաքություն, հաջորդ երկու օրերին մի փոքր ավելի կնվազի` 26-28 աստիճան, իսկ ուրբաթ կնվազի մինչև 23-25 աստիճան տաքություն։

Միաժամանակ, կարճատև անձրևներ և ամպրոպներ են սպասվում մայիսի 16-18–ն օրվա երկրորդ կեսին և գիշերվա առաջին կեսին հանրապետության մարզերում և Երևանում, իսկ մայիսի 19-20–ին` առավելապես հյուսիսային շրջաններում, առանձին վայրերում հնարավոր է կարկուտ։

Քամին կլինի հարավ–արևմտյան` 2-7 մետր վայրկյան արագությամբ, ամպրոպի ժամանակ հնարավոր է քամու ուժգնացում մինչև 15-20 մետր վայրկյան։-0-