Հայաստանի վարչապետի մամուլի քարտուղարը լքել է պաշտոնը

ԵՐԵՎԱՆ, 8 սեպտեմբերի. /Նովոստի–Արմենիա/. Հայաստանի վարչապետի մամուլի քարտուղար Գոհար Պողոսյանը լքել է պաշտոնը կառավարության հրաժարականի հայտարարությունից հետո։

«Թանկագին գործընկերներ, շնորհակալություն գործակցության համար։ Այսօր վարչապետ Հովիկ Աբրահամյանին մամուլի քարտուղարի պաշտոնից հեռանալու մասին դիմում եմ ներկայացրել»,– գրել է Պողոսյանը Facebook սոցցանցի իր էջում։

Աբրահամյանն իր հրաժարականի մասին հայտարարել է հինգշաբթի կառավարության նիստում։ Ակնկալվում է, որ նրան այդ պաշտոնում կփոխարինի Երևանի նախկին քաղաքապետ Կարեն Կարապետյանը։ -0-