ԵՐԵՎԱՆ, 15 նոյեմբերի. /Նովոստի–Արմենիա/. Կարեն Դեմիրճյանի անվան մարզահամերգային համալիրում նոյեմբերի 12-ին անցկացվեց «Neo Max» խաղարկությունը, որի շրջանակում խաղարկվեցին մի շարք թանկարժեք նվերներ:
Խաղարկությանը մասնակցեցին բոլոր նրանք, ովքեր միացել են Neo Max ծառայությունների փաթեթին «Ստեղծիր քո Neo-ն» ֆոտոմրցույթից ստացած հատուկ կտրոններով, ինչպես նաև նրանք, ովքեր սեպտեմբերի 16-ից մինչև նոյեմբերի 1-ը ընկած ժամանակահատվածում միացել են Neo Max ծառայությունների փաթեթին Beeline վաճառքի և սպասարկման գրասենյակներում, հաղորդում է Beeline–ի մամուլի ծառայությունը։
Neo Max խաղարկությունն ուղեկցվել է հատուկ շոու ծրագրով, որի ընթացքում խաղարկվել են iPhone 6S սմարթֆոններ, սմարթ ժամացույցներ, Beeline Smart սմարթֆոններ, Wi-Fi ազդանշանը հզորացնող սարքեր:
Խաղարկության արդյունքում Ա. Մանջարյանը և Մ. Ասլանյանը շահել են iPhone 6S սմարթֆոններ, Ռ. Դումիկյանը, Ա. Հարությունյանը և Հ. Նավոյանը` Samsung Gear Fit սմարթ ժամացույցներ։
Բոլոր հավաքվածները ստացել են հատուկ հուշանվերներ և փափուկ խաղալիքներ Beeline-ի կողմից:
«Շնորհավորում և շնորհակալություն եմ հայտնում «Neo Max» խաղարկության բոլոր մասնակիցներին։ Neo ծառայությունը յուրահատուկ փաթեթային առաջարկ է, որը բաժանորդներին հնարավորություն է տալիս միաժամանակ օգտվել մի քանի ծառայություններից և վճարել մեկ միասնական հաշիվ` ընդամենը լիցքավորելով բջջային հեռախոսահամարը։ Նման բացառիկ առավելությունը «Neo» անվանումը դարձրել է պարզ, հարմար և միասնական ծառայության խորհրդանիշ», - նշել է Հայաստանում Beeline-ի գլխավոր տնօրեն Անդրեյ Պյատախինը։
Նշենք, որ լրացուցիչ տեղեկատվություն կարելի է ստանալ
www.beeline.am կայքում, հաղորդագություն ուղարկելով Facebook սոցիալական ցանցում Beeline Armenia պաշտոնական էջին, զանգահարելով 0611 անվճար համարին կամ մոտակա Beeline գրասենյակում: «Neo Max» ծառայությունների փաթեթին կարելի է միանալ Beeline գրասենյակներում:
«ԱրմենՏել» ՓԲԸ–ն (ապրանքանիշը` Beeline) 2006 թ.–ի նոյեմբերի 3–ին ներառված է «ՎիմպելԿոմ Լթդ» ընկերությունների խմբի կազմում, որը ձեռք է բերել ընկերության բաժնետոմսերի 90 տոկոսը։ 2007 թ.–ի ապրիլից «ԱրմենՏել» ընկերության բաժնետոմսերի 100 տոկոսը պատկանում է ռուսական ընկերությանը։ «ԱրմենՏելը» տրամադրում է ամրակցված (ավելի քան 650 հազար բաժանորդ) և բջջային կապի (ավելի քան 780 հազար բաժանորդ), ինչպես նաև երկրի ողջ տարածքում բարձր արագության ինտերնետի ծառայություններ։ -0-
