Այս ընտրություններն իսկապես պատմական նշանակության են, մենք որոշում ենք այսօր մեր ապագան. Թաթոյան

ԵՐԵՎԱՆ, 7 հունիսի․/Նովոստի–Արմենիա/․ «Միասնության թևեր» կուսակցության վարչապետի թեկնածու, նախկին ՄԻՊ Արման Թաթոյանը հայտարարել է, որ այս ընտրություններն իսկապես պատմական նշանակության են:

«Մենք որոշում ենք այսօր մեր ապագան, մենք որոշում ենք մեր երեխաների համար, ինչ երկիր ենք ունենալու մեզ համար», - ասաց Թաթոյանը քվեարկությունից հետո։

Նրա խոսքով՝ եթե երիտասարդները ցանկանում են ապրել ապահով երկրում, ստանալ ժամանակակից կրթություն և բարձր վարձատրվող աշխատանք, ապա նրանք նույնպես պետք է գնան ընտրության և քվեարկեն հանուն երկրի ու ապագայի։

Ընտրությունների մասին

Հայաստանում մեկնարկել են 9-րդ գումարման Ազգային ժողովի հերթական ընտրությունները։ Տեղական ժամանակով ժամը 08:00-ից հանրապետության ողջ տարածքում բացվել է 2005 ընտրատեղամաս։

ԿԸՀ տվյալներով՝ ընտրողների ռեգիստրում գրանցված է 2 միլիոն 505 հազար 102 մարդ։

Ընտրություններին մասնակցում է 18 քաղաքական ուժ՝ 16 կուսակցություն և 2 դաշինք։

Կուսակցությունների թվում են․

• Ռեֆորմիստների կուսակցություն

• «Բոլորին դեմ եմ» կուսակցություն

• Հայաստանի շնորհապետական կուսակցություն

• «Նոր ուժ» կուսակցություն

• «Միասնության թևեր» կուսակցություն

• «Բարգավաճ Հայաստան» կուսակցություն

• «Ազգային-ժողովրդավարական բևեռ» կուսակցություն

• «Քոչարի ազգային վերածնունդ և ազգի զարթոնք» կուսակցություն

• «Հայ ազգային կոնգրես» կուսակցություն

• «Հանրապետություն» կուսակցություն

• Քրիստոնեա-ժողովրդավարական կուսակցություն

• Ժողովրդավարական համախմբում» կուսակցություն

• «Դեմոկրատիա օրենք, կարգապահություն» կուսակցություն (ԴՕԿ)

• «Քաղաքացիական պայմանագիր» կուսակցություն

• «Հանուն Հանրապետության» կուսակցություն

• «Լուսավոր Հայաստան» կուսակցություն

Մասնակցում է նաև երկու դաշինք՝ «Ուժեղ Հայաստան»-ը և «Հայաստան»-ը։