Ամենայն Հայոց Կաթողիկոսը քվեարկեց հանուն հզոր, ապահով և անվտանգ երկրի կերտման

ԵՐԵՎԱՆ, 7 հունիսի․/Նովոստի–Արմենիա/․ Ամենայն Հայոց Գարեգին Երկրորդ Կաթողիկոսը քվեարկեց Վաղարշապատում։

Լրագրողների հետ զրույցում նա ասաց, որ քվեարկել է աղոթքով, որպեսզի Աստված անսասան պահի հայոց պետությունը, օրհնի ժողովրդին` հաղթահարելու առկա դժվարին, ծանր փորձությունները և կերտելու հզոր, ապահով, անվտանգ, օրինահարգ և բարօր երկիր։

«Աստված օգնական ու պահապան ազգիս հայոց։ Տիրոջ սերը, շնորհը և ողորմությունը թող լինեն մեզ հետ և ողջ աշխարհի հետ. այսօր և միշտ. ամեն», - ասաց կաթողիկոսը։

Ընտրությունների մասին

Հայաստանում մեկնարկել են 9-րդ գումարման Ազգային ժողովի հերթական ընտրությունները։ Տեղական ժամանակով ժամը 08:00-ից հանրապետության ողջ տարածքում բացվել է 2005 ընտրատեղամաս։

ԿԸՀ տվյալներով՝ ընտրողների ռեգիստրում գրանցված է 2 միլիոն 505 հազար 102 մարդ։

Ընտրություններին մասնակցում է 18 քաղաքական ուժ՝ 16 կուսակցություն և 2 դաշինք։

Կուսակցությունների թվում են․

• Ռեֆորմիստների կուսակցություն

• «Բոլորին դեմ եմ» կուսակցություն

• Հայաստանի շնորհապետական կուսակցություն

• «Նոր ուժ» կուսակցություն

• «Միասնության թևեր» կուսակցություն

• «Բարգավաճ Հայաստան» կուսակցություն

• «Ազգային-ժողովրդավարական բևեռ» կուսակցություն

• «Քոչարի ազգային վերածնունդ և ազգի զարթոնք» կուսակցություն

• «Հայ ազգային կոնգրես» կուսակցություն

• «Հանրապետություն» կուսակցություն

• Քրիստոնեա-ժողովրդավարական կուսակցություն

• Ժողովրդավարական համախմբում» կուսակցություն

• «Դեմոկրատիա օրենք, կարգապահություն» կուսակցություն (ԴՕԿ)

• «Քաղաքացիական պայմանագիր» կուսակցություն

• «Հանուն Հանրապետության» կուսակցություն

• «Լուսավոր Հայաստան» կուսակցություն

Մասնակցում է նաև երկու դաշինք՝ «Ուժեղ Հայաստան»-ը և «Հայաստան»-ը։