Արտերկրից դիպուկահարներ Երևանում չկան. ոստիկանություն

30.07.2016, 00:44
Ոստիկանությունը հերքում է Երևանում անցկացվող ակցիային արտերկրից ժամանած դիպուկահարների առկայությունը։
Արտերկրից դիպուկահարներ Երևանում չկան. ոստիկանություն
ԵՐԵՎԱՆ, 30 հուլիսի. /Նովոստի-Արմենիա/. Ոստիկանությունը հերքում է Երևանում անցկացվող ակցիային արտերկրից ժամանած դիպուկահարների առկայությունը, հայտնում է Ոստիկանության տեղեկատվության և հասարակայնության հետ կապերի վարչության պետ Աշոտ Ահարոնյանը Facebook-ի իր էջում։

«Որոշ անձինք արդեն մի քանի ժամ անհեթեթ տեղեկություններ են տարածում, թե իբր արտերկրից դիպուկահարներ են կանչվել»,- ասվում է գրառման մեջ։

Ոստիկանությունը կոչ է արել նման հայտարարություններով չգրգռել մարդկանց ու չշիկացնել մթնոլորտը: