Երևանի կենտրոնում փողոցներ են փակ լինելու. ոստիկանությունը զգուշացնում է

ԵՐԵՎԱՆ, 2 հունիսի./Նովոստի–Արմենիա/. Հունիսի 4-ին Երևան քաղաքի կենտրոնական մասում անցկացվելու է «One Run» միջազգային վազքարշավը, որի մեկնարկը տրվելու է Հանրապետության հրապարակի մետրոյի մոտից և անցնելու է Նալբանդյան, Իսահակյան, Տերյան, Արամի, Աբովյան փողոցներով, հաղորդում է ՀՀ ոստիկանությունը:


Հունիսի 4-ին, ժամը 07.00-ից ժամը 14.30-ը, երթևեկության համար փակ է լինելու Նալբանդյան փողոցը, իսկ 09.00-ից ժամը 14.00-ն՝ նաև Իսահակյան, Տերյան, Արամի, Աբովյան փողոցները:–0–