Որքա՞ն կարժենա մեկ ուղևորությունը ամսական փաթեթ ձեռք բերելու դեպքում․ քաղաքապետարանից պարզաբանում են (ՖՈՏՈ)

ԵՐԵՎԱՆ, 29 հունվարի․/Նովոստի–Արմենիա/․ Երևանի քաղաքապետարանից հայտնում են, որ 2025 թվականի հունվարի 31-ին՝ ժամը 10:00-ին, տեղի կունենա Երևան քաղաք ավագանու արտահերթ նիստ։

Նիստի օրակարգում հետևյալ փոփոխություններ են.

• ուղևորության մեկ տոմս (ֆիզիկական կամ էլեկտրոնային եղանակով ձեռք բերելու դեպքում)՝ 150 ՀՀ դրամ,
• անսահմանափակ փաթեթների երկարացում. 2025 թվականի հունվարի 1-ից մինչև փետրվարի 28-ը ներառյալ՝ անսահմանափակ երթևեկություն ապահովող փաթեթներ գնելու դեպքում յուրաքանչյուր փաթեթին կտրամադրվի լրացուցիչ 30 օր օգտագործման հնարավորություն։
• Փաթեթները կարելի է ձեռք բերել transport.yerevan.am կայքի միջոցով։

Քաղաքապետարանը հրապարակել է նաև լուսանկար, որտեղ երևում է, թե որքան կարժենա մեկ ուղևորությունը ամսական փաթեթ ձեռք բերելու դեպքում։

Նշենք, որ հունվարի 28–ին Երևանի քաղաքապետ Տիգրան Ավինյանը հայտնեց, որ փետրվարի 1-ից որոշել են ներդնել նոր ուղևորատոմս՝ մեկ ուղևորության արժեքը սահմանելով 150 դրամ։ Այս փոփոխությունը գործելու է ամբողջ 2025թ․–ի ընթացքում։ Նա նշել է, որ առաջարկվող մեկ ուղևորության համար սահմանված 150 դրամը հնարավոր է ենթարկվի փոփոխության յուրաքանչյուր տարվա համար առավելագույնը 10 դրամով՝ միմիայն շարունակական բարեփոխումների արդյունքում։ Բացի այդ, մեկ ամսով կերկարաձգվեն հունվար և փետրվար ամիսներին ձեռք բերված անսահմանափակ փաթեթների ժամկետները։