ԵՐԵՎԱՆ, 2 ապրիլի./Նովոստի–Արմենիա/. ՌԴ նախագահ մամուլի քարտուղար Դմիտրի Պեսկովը հաստատել է, որ ապրիլի 7–ին ՀՀ վարչապետ Նիկոլ Փաշինյանն այցելելու է Մոսկվա։
Երկու երկրների ղեկավարները կքննարկեն Լեռնային Ղարաբաղի շուրջ տիրող իրավիճակն ու Հայաստանի ընտրական գործընթացը, հաղորդում է ՏԱՍՍ–ը։
«Այո, կարող եմ հաստատել։ Իսկապես ապրիլի 7–ին նախատեսված է վարչապետ Փաշինյանի այցը Մոսկվա։ Տեղի կունենա խորհրդակցություններ նախագահ Վլադիմիր Պուտինի հետ», – նշել է Պեսկովը լրագրողներին։
Загружается новость ... "Лево"
Կրեմլի ներկայացուցչի խոսքով, «առաջին հերթին կքննարկվի եռակողմ պայմանավորվածությունների կատարման ընթացքը, որը վերջ դրեց ռազմական գործողություններին Ղարաբաղում»։
Պեսկովը նաև ավելացրել է, որ բանակցությունների օրակարգում են «Անդրկովկասում տրանսպորտային ենթակառուցվածքների ապաշրջափակման հետ կապված հարցերը, մտքեր կփոխանակվեն Հայաստանում մեկնարկած ընտրական գործընթացի շուրջ, կքննարկվեն հայ–ռուսական համագործակցության վերաբերող այլ ակտուալ հարցեր»։
Այսօր ավելի վաղ վարչապետ Նիկոլ Փաշինյանի մամուլի քարտուղար Մանե Գևորգյանը հայտնել էր, որ ապրիլի 7-ին Մոսկվայում ՌԴ նախագահ Վլադիմիր Պուտինի հետ նախատեսված հանդիպումով պայմանավորված՝ վարչապետ Նիկոլ Փաշինյանը ապրիլի 2-ից աշխատում է ինքնամեկուսացման պայմաններում։–0–
