629.62
6.95
520.69
+19
Եղանակը Երևանում
Հայ

Կրեմլը մեկնաբանել է ադրբեջանցի զինվորականների հայտարարությունը Ղարաբաղում «Իսկանդերի» բեկորներ գտնելու մասին

15:08
02 Ապրիլի 2021

ԵՐԵՎԱՆ, 2 ապրիլի./Նովոստի–Արմենիա/. ՌԴ նախագահի մամուլի քարտուղար Դմիտրի Պեսկովը հայտարարել է, որ տեղյակ չէ` արդյոք ՊՆ–ն զեկուցել է ՌԴ նախագահին այն մասին, որ ադրբեջանցի զինվորականներն իբր «Իսկանդերի» բեկորներ են գտել Լեռնային Ղարաբաղում, հաղորդում է ՏԱՍՍ–ը։

«Ոչ, որքան հասկանում եմ դա նոր տեղեկատվություն է։ Ես տեղյակ չեմ` արդյոք զինվորականները զեկուցե՞լ են, ունե՞ն ինչ–որ մանրամասն տեղեկատվություն այդ մասին։ Դա, իհարկե, ավելի շատ նրանց մասով է», – ընդգծել է Կրեմլի ներկայացուցիչը։

Նա նաև հիշեցրել է, որ «Իսկանդեր» հրթիռները չեն կիրառվել 2020թ.–ի աշնանը Լեռնային Ղարաբաղի հակամարտության սրման ժամանակ։

«Դա (հրթիռների չկիրառումը) հաստատվել է», – ասել է նա։

Պեսկովն ավելացրել է, որ Կրեմլը «չունի տեղեկատվություն» այն մասին, թե որտեղից են հայտնվել բեկորները, որոնք իբր հայտնաբերվել են Ադրբեջանի կողմից։

Փետրվարի 26–ին Ադրբեջանի նախագահ Իլհամ Ալիևն օտարերկրյա լրատվամիջոցներին տված հարցազրույցում հայտարարել է, որ Ադրբեջանը չի ֆիքսել «Իսկանդեր» հրթիռային համալիրների կիրառում Լեռնային Ղարաբաղում ռազմական հակամարտության ժամանակ։ Ավելի ուշ ՏԱՍՍ–ը մեկնաբանության համար դիմել էր ռազմական փորձագետներին, ովքեր նշել էին, որ «Իսկանդեր» ընդհանրապես չի կիրառվել Լեռնային Ղարաբաղում ռազմական հակամարտության ժամանակ։ ՌԴ ՊՆ–ն ևս հերքել էր համալիրների կիրառման մասին տեղեկությունները։

Մարտի 23–ին ՀՀ ԳՇ նախկին պետ, Արցախի պաշտպանության նախկին նախարար, գեներալ–գնդապետ Մովսես Հակոբյանը հաստատեց իր հայտարարությունն այն մասին որ Արցախյան պատերազմի ժամանակ կիրառվել են «Իսկանդերներ»։

Նոյեմբերի 19–ին կայացած ասուլիսի ժամանակ Հակոբյանը (դրանից մեկ օր առաջ նա հրաժարական էր տվել ՀՀ ՊՆ Ռազմական վերահսկողական ծառայության պետի պաշտոնից) հրապարակել էր ավելի վաղ անհայտ տեղեկատվություն Արցախյան պատերազմի ժամանակ հայկական զորքի գործողությունների մասին։ Մասնավորապես, նա հայտարարել էր, որ Արցախում կիրառվել են «Իսկանդերներ», սակայն չի կարող նշել, թե որ ուղղությամբ։ Այդ տեղեկատվությունը «պայթեցրեց» Հայաստանի լրատվական դաշտը, Հակոբյանի հայտարարությունների առթիվ հարուցվեց քրեական գործ։

Ավելի ուշ` հունվարի 25–ին, Շուշիի քաղաքապետ Արծվիկ Սարգսյանը մեկնաբանեց «Իսկանդերի» կիրառման լուրերը։ Նա նշեց, որ «Իսկանդերի» հարվածի հետևանքով պետք է առաջանար ուժեղ երկրաշարժ, սակայն Շուշիում որևէ նմանատիպ բան չի եղել։

«Եթե հարվածեին «Իսկանդերով», Շուշիում ոչ մի շենք չէր մնա, քանի որ քաղաքում հին շինություններ են», – հայտարարել է նա։

Փաշինյանի հայտարարությունն ու Մոսկվայի արձագանքը

Միաժամանակ մոտ մեկ ամիս առաջ 1in.am–ին տված հարցազրույցում ՀՀ վարչապետ Նիկոլ Փաշինյանը հայտարարեց, որ պատերազմի ժամանակ ««Իսկանդերները» չեն պայթել կամ պայթել են միայն 10%–ով»։

Դրան ի պատասխան ՌԴ ՊՆ–ն հայտարարեց, որ Արցախում պատերազմի ժամանակ «Իսկանդեր» չի կիրառվել։ Ինչպես նշել են ՌԴ ՊՆ–ից, հրթիռների ամբողջ պաշարը գտնվում է Հայաստանի Զինված ուժերի պահեստներում։

Ավելի ուշ Փաշինյանի մամուլի քարտուղար Մանե Գևորգյանը, մեկնաբանելով «Իսկանդերի» մասին վարչապետի աղմկահարույց հայտարարությունը, ասաց, որ «վարչապետին «Իսկանդեր»-ի իրավիճակի առնչությամբ ճիշտ չի զեկուցվել»։–0–

Partners News
ԱՌԿԱ գործակալություն
Բաժնի այլ նյութեր
14:37
28 Ապրիլի 2021
Ադրբեջանական կողմը խախտել է ռուս խաղաղապահների միջնորդությամբ ձեռք բերված պայմանավորվածությունը. Արցախի ՄԻՊ (ՄԱՆՐԱՄԱՍՆԵՐ)
Ադրբեջանական կողմը խախտել է ռուս խաղաղապահների միջնորդությամբ ձեռք բերված պայմանավորվածությունը. Արցախի ՄԻՊ.ՄԱՆՐԱՄԱՍՆԵՐ
11:37
28 Ապրիլի 2021
Ե՞րբ և ինչպե՞ս են անհետացել Շուշիի Սուրբ Ղազանչեցոց եկեղեցու հրեշտակները. ֆակտչեք`«Նովոստի–Արմենիա»–ից
Ե՞րբ և ինչպե՞ս են անհետացել Շուշիի Սուրբ Ղազանչեցոց եկեղեցու հրեշտակները. ֆակտչեք`«Նովոստի–Արմենիա»–ից
14:47
27 Ապրիլի 2021
Արցախում ռուս խաղաղապահների մեքենա է պայթել հակատանկային ականի վրա
Արցախում ռուս խաղաղապահների մեքենա է պայթել հակատանկային ականի վրա
17:30
26 Ապրիլի 2021
Ադրբեջանցի վանդալները քանդել են Շուշիի Սուրբ Ղազանչեցոց եկեղեցու մոտ գտնվող հրեշտակների քանդակները (ՖՈՏՈ)
Ադրբեջանցի վանդալները քանդել են Շուշիի Սուրբ Ղազանչեցոց եկեղեցու մոտ գտնվող հրեշտակների քանդակները.ՖՈՏՈ
21:30
23 Ապրիլի 2021
Փաշինյան. Բաքվի հայատյաց քաղաքականությունն ամենամեծ հիմքն է՝ Արցախի դեպքում «անջատում հանուն փրկության» սկզբունքը կիրառելու համար
Փաշինյանը հայտարարել է, որ Բաքվի հայատյաց քաղաքականությունն ամենամեծ հիմքն է՝ Արցախի դեպքում «անջատում հանուն փրկության» սկզբունքը կիրառելու համար
11:32
22 Ապրիլի 2021
Վերջին օրերին հակառակորդը սկսել է կրակել ՊԲ մարտական դիրքերի և սահմանամերձ խաղաղ բնակավայրերի ուղղությամբ. ՊԲ
Արցախի ՊԲ–ից հայտնում են, որ վերջին օրերին հակառակորդը սկսել է կրակել ՊԲ մարտական դիրքերի և սահմանամերձ խաղաղ բնակավայրերի ուղղությամբ
13:45
17 Ապրիլի 2021
Շոյգու.ՄԱԿ–ը չի արձագանքել Ղարաբաղն ականազերծելու հարցում օգնելու առաջարկին
Շոյգուն հայտարարել է, որ ՄԱԿ–ը չի արձագանքել Ղարաբաղն ականազերծելու հարցում օգնելու առաջարկին
20:37
15 Ապրիլի 2021
Արցախի վերահսկողությունից դուրս գտնվող տեղանքում որոնումների ժամանակ ականի պայթյունից փրկարար ուժերի վարչության հրամանատար է վիրավորվել (ՖՈՏՈ)
Արցախի վերահսկողությունից դուրս գտնվող տեղանքում որոնումների ժամանակ ականի պայթյունից փրկարար ուժերի վարչության հրամանատար է վիրավորվել. ՖՈՏՈ
18:23
15 Ապրիլի 2021
Արցախի նախագահը հրավիրվելու է հարցաքննության
Արցախի նախագահ Արայիկ Հարությունյանը հրավիրվելու է հարցաքննության
23:32
13 Ապրիլի 2021
Նոր մանրամասներ Սարուշենի բնակիչների ուղղությամբ ադրբեջանցիների կրակոցների մասին (ՎԻԴԵՈ)
Նոր մանրամասներ Սարուշենի բնակիչների ուղղությամբ ադրբեջանցիների կրակոցների մասին. ՎԻԴԵՈ
10:54
12 Ապրիլի 2021
Ադրբեջանցիները գնդացրով կրակել են Արցախի Սարուշեն գյուղի դաշտերում աշխատող տղամարդկանց ուղղությամբ (ՖՈՏՈ)
Ադրբեջանցիները գնդացրով կրակել են Արցախի Սարուշեն գյուղի դաշտերում աշխատող տղամարդկանց ուղղությամբ. ՖՈՏՈ
23:46
08 Ապրիլի 2021
Ջրականի շրջանում հայտնաբերվել է 7 աճյուն, ադրբեջանցիները փոխանցել են ևս երկու աճյուն. ԱԻՊԾ
Ջրականի շրջանում հայտնաբերվել է 7 աճյուն, ադրբեջանցիները փոխանցել են ևս երկու աճյուն