Ինչպես են ադրբեջանցիները կրակում Կութ գյուղի ուղղությամբ. ՄԻՊ–ը տեսանյութ է հրապարակել (ՎԻԴԵՈ)

ԵՐԵՎԱՆ, 17 օգոստոսի./Նովոստի–Արմենիա/. ՀՀ մարդու իրավունքների պաշտպան Արման Թաթոյանը հայտնել է, որ Ադրբեջանի պաշտպանության նախարարությունը հերքել է Գեղարքունիքի մարզի Կութ գյուղի վրա ադրբեջանական հանցավոր կրակոցները` նկատի ունենալով ՀՀ մարդու իրավունքների պաշտպանի հայտարարությունը:

Թաթոյանն այդ կրակոցների փաստը հաստատող տեսանյութ է հրապարակել Կութ գյուղից:

Հիշեցնենք, որ նախօրեին երեկոյան Թաթոյանը հայտնել էր, որ ադրբեջանական զինված ուժերն ուղիղ նշանառությամբ կրակում են Գեղարքունիքի մարզի Կութ և Նորաբակ գյուղերի վրա։