ԵՐԵՎԱՆ, 12 մարտի․/Նովոստի–Արմենիա/․ Երևանի ավագանին երեքշաբթի նիստի ժամանակ հավանություն տվեց հասարակական տրանսպորտի սակագների փոփոխության նախագծին։
Նախագծին «կողմ» քվեարկեց 32 անդամ, «դեմ»՝ 2։
«Ազգային առաջընթաց» և «Մայր Հայաստան» ընդդիմադիր խմբակցությունները բոյկոտեցին քվեարկությունը։
Միասնական տոմսային համակարգի լրամշակված նախագծով նախատեսված են նոր սակագներ:
Նախատեսվում է ներդնել 90 րոպեանոց տոմսեր՝ 280-300 դրամ 3 ուղևորության համար, 1 օրվա համար՝ 880-900 դրամ՝ 8 երթևեկության համար, 7 օրվա համար՝ 4800-5000 դրամ՝ 30 ուղևորության համար։ Բոլոր դեպքերում, յուրաքանչյուր տրանսպորտային միջոցում նախատեսված է մեկանգամյա օգտագործում:
Կներդրվեն նաև 30 օր (8800-9000 դրամ), 90 օր (23600-24000 դրամ) և 365 օր (88000-90000 դրամ) անսահմանափակ ճանապարհորդության հնարավորությամբ տոմսեր։
Ցանկացած փաթեթ ձեռք բերելու դեպքում քաղաքացիները կարող են օգտվել հասարակական տրանսպորտի բոլոր միջոցներից։
Ներդրվում է նաև ամսական 10 ուղևորության բազմակի օգտագործման տոմս (2100-2200 դրամ)։
Ուսանողների, բնակչության սոցիալական կամ հատուկ խմբերի համար կկիրառվեն զեղչեր։ Որոշումն ուժի մեջ կմտնի սեպտեմբերի 1–ից։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում