542.07
6.51
477.97
-7
Եղանակը Երևանում
Հայ

ՀՐԱՏԱՊ. ՊՎԾ պետ Դավիթ Սանասարյանը ներգրավվել է որպես կասկածյալ քրգործի շրջանակում

19:46
16 Ապրիլի 2019

ԵՐԵՎԱՆ, 16 ապրիլի./Նովոստի–Արմենիա/. Պետական վերահսկողական ծառայության աշխատակիցներին վերաբերող քրեական գործով ՊՎԾ պետ Դավիթ Սանասարյանը ներգրավվել է որպես կասկածյալ, հաղորդում է pastinfo.am–ը։ 

Աղբյուրի հաղորդմամբ, նրա նկատմամբ խափանման միջոց է ընտրվել՝ ստորագրություն չհեռանալու մասին, իսկ քրեական դատավարության օրենսգրքի համաձայն, խափանման միջոց կիրառվում է դատավարական կարգավիճակ ունեցող անձի՝ կասկածյալի կամ մեղադրյալի նկատմամբ։  

«Նովոստի–Արմենիա» գործակալությունը փորձեց կապվել ԱԱԾ մամուլի քարտուղարի հետ, սակայն նա չի պատասխանում հեռախոսազանգերին։ 

Pastinfo–ն իր հերթին նշում է, որ իրենց հարցմանն ի պատասխան ԱԱԾ մամուլի կենտրոնից ոչ հերքեցին, ոչ հաստատեցին՝ խոստանալով ավելի ուշ պատասխանել։

Ավելի վաղ՝ տեղեկացրել ենք, որ ԱԱԾ-ն քրեական գործ է հարուցել ՀՀ պետական վերահսկողության ծառայության պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերի առթիվ՝ ՀՀ քրեական օրենսգրքի 308-րդ հոդվածի 2-րդ մասի (Պաշտոնեական լիազորությունները չարաշահելը) և 325-րդ հոդվածի 2-րդ մասի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) հատկանիշներով։

Տարածված պաշտոնական հաղորդագրության համաձայն՝ ՀՀ պետական վերահսկողական ծառայության գնումների գործընթացների վերահսկողության վարչության պետի ժամանակավոր պաշտոնակատար Սամվել Ադյանը, ունենալով պետության միջոցներով գնումների գործընթացը կանոնակարգող օրենսդրության պահանջների պահպանման նկատմամբ վերահսկողության իրավասություն, նույն վարչության գլխավոր մասնագետ Գեւորգ Խաչատրյանի հետ նախնական համաձայնությամբ, առերևույթ անձնական շահագրգռվածությունից ելնելով, ծառայության շահերին հակառակ օգտագործելով իրենց պաշտոնեական դիրքը, 2018-2019թթ. ընթացքում ապօրինի կերպով միջամտել են վերահսկվող օբյեկտների՝ ՀՀ առողջապահության նախարարության և մի շարք բժշկական կենտրոնների կարիքների համար անհրաժեշտ բժշկական սարքավորումների ձեռքբերման նպատակով կազմակերպված գնման ընթացակարգերին` նպատակ ունենալով հայտարարված մրցույթներում ապահովել իրենց կողմից հովանավորվող առևտրային կազմակերպության հաղթանակը: 

Ընդ որում, գնման գործընթացներին մասնակցող ծառայողների կողմից ապօրինի պահանջները կատարելուն ընդդիմանալու դեպքում, ՀՀ պետական վերահսկողական ծառայության պաշտոնատար անձինք սպառնացել կամ փաստացի նախաձեռնել են ուսումնասիրություններ: Նշված գործողությունների հետևանքով տեխնիկական բնութագրերում կատարված փոփոխություններով նվազեցվել են մատակարարման ենթակա ապրանքների որակական հատկանիշները՝ դրանք փաստացի համապատասխանեցնելով իրենց հետ փոխկապակցված ընկերության կողմից առաջարկվող ապրանքներին: 

Գործի շրջանակներում 2019 թվականի փետրվարի 27-ին հիշյալ պաշտոնատար անձանց մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով և 325-րդ հոդվածի 2-րդ մասով, իսկ նրանց կողմից հովանավորվող տնտեսվարող սուբյեկտի ներկայացուցչին՝ ՀՀ քրեական օրենսգրքի 38-308-րդ հոդվածի 2-րդ մասով և 325-րդ հոդվածի 2-րդ մասով։ Դատարանի կողմից որպես խափանման միջոց նշված երեք անձանց նկատմամբ ընտրվել է կալանավորումը։ 

Հետագայում ՊՎԾ աշխատակից Գևորգ Խաչատրյանի խափանման միջոցը փոխվեց: «Գևորգ Խաչատրյանի խափանման միջոցը փոխվել է՝ կալանքի տակ պահելու անհրաժեշտությունը վերանալու հիմքով՝ քննությանը խոչընդոտելու և քննությունից խուսափելու ռիսկերի նվազման նկատառումներով»,- «Փաստինֆո»-ին հայտնել էին ՀՀ գլխավոր դատախազությունից։ 

Աղբյուրի տեղեկություններով՝ Գ.Խաչատրյանը համագործակցել է նախաքննական մարմնի հետ ու տվել ցուցմունքներ։ Իսկ այսօր մամուլը գրել էր, որ առերեսում է տեղի ունեցել Դավիթ Սանասարյանի ու ՊՎԾ աշխատակից Սամվել Ադյանի միջև։  

«Առայժմ հայտնի չէ, թե ինչի մեջ է կասկածվում Դավիթ Սանասարյանը», – նշում է կայքը։–0–

Partners News
Partners News
ԱՌԿԱ գործակալություն
Բաժնի այլ նյութեր
23:16
24 Դեկտեմբերի 2021
Վարչապետը պարզաբանեց՝ ինչու Մարությանն այլևս չէր կարող լինել Երևանի քաղաքապետ
Վարչապետը պարզաբանեց՝ ինչու Մարությանն այլևս չէր կարող լինել Երևանի քաղաքապետ
22:39
24 Դեկտեմբերի 2021
Հնարավո՞ր է Թուրքիայի հետ բանակցությունների արդյունքում Հայաստանը հրաժարվի Հայոց ցեղասպանության ճանաչման պահանջից. մեկնաբանում է վարչապետը
Փաշինյանն  է այն հարցին, թե, արդյոք, հնարավոր է, որ Թուրքիայի հետ բանակցությունների արդյունքում Հայաստանը հրաժարվի Հայոց ցեղասպանության ճանաչման պահանջից
20:56
24 Դեկտեմբերի 2021
Փաշինյանը մանրամասնել է, թե ինչ է խոսել Ալիևի հետ Բրյուսելում առանձնազրույցի ժամանակ (ՎԻԴԵՈ)
Փաշինյանը մանրամասնել է, թե ինչ է խոսել Ալիևի հետ Բրյուսելում առանձնազրույցի ժամանակ. ՎԻԴԵՈ
17:40
24 Դեկտեմբերի 2021
FLYONE ARMENIA-ն դիմել է Երևան-Ստամբուլ-Երևան չվերթեր իրականացնելու թույլտվություն ստանալու համար. Քաղավիացիայի կոմիտե
Քաղավիացիայի կոմիտեից հայտնեցին, որ FLYONE ARMENIA-ն դիմել է Երևան-Ստամբուլ-Երևան չվերթեր իրականացնելու թույլտվություն ստանալու համար
16:38
24 Դեկտեմբերի 2021
Ուշադրություն. Հայաստանի շրջաններից մեկում գիշերը սպասվում է -34
Ուշադրություն. Հայաստանի շրջաններից մեկում գիշերը սպասվում է -34
16:06
24 Դեկտեմբերի 2021
Հայաստանում շարունակվում է ՍՇՎ-ի բարձր ակտիվություն, հիվանդացությունը համաճարակային շեմից բարձր է 2․2 անգամ
Հայաստանում շարունակվում է ՍՇՎ-ի բարձր ակտիվություն, հիվանդացությունը համաճարակային շեմից բարձր է 2․2 անգամ
11:12
24 Դեկտեմբերի 2021
ԱՆ-ն կորոնավիրուսի թարմ տվյալներ է հրապարակել
ԱՆ-ն կորոնավիրուսի թարմ տվյալներ է հրապարակել
11:03
24 Դեկտեմբերի 2021
Հայաստանի տարածքում ջերմաստիճանը կրկին կնվազի, ճանապարհների մերկասառույցը կպահպանվի
Հայաստանի տարածքում ջերմաստիճանը կրկին կնվազի, ճանապարհների մերկասառույցը կպահպանվի
20:29
23 Դեկտեմբերի 2021
Հաշվի առնելով, որ պետությունն անվճար չի երաշխավորում ՊՇՌ թեստավորումը, աշխատողն ամեն դեպքում պետք է իրականացնի թեստավորում. ԱՆ-ն արձագանքել է
Հաշվի առնելով, որ պետությունն անվճար չի երաշխավորում ՊՇՌ թեստավորումը, աշխատողն ամեն դեպքում պետք է իրականացնի թեստավորում. ԱՆ-ն արձագանքել է
20:23
23 Դեկտեմբերի 2021
4660 շահառուի տրամադրվել է 53.6 մլրդ դրամի հատուցում. Զինծառայողների ապահովագրության հիմնադրամն ամփոփել է տարին
4660 շահառուի տրամադրվել է 53.6 մլրդ դրամի հատուցում. Զինծառայողների ապահովագրության հիմնադրամն ամփոփել է տարին
19:11
23 Դեկտեմբերի 2021
Աշխատողը չպետք է վճարի ՊՇՌ թեստի համար. ՍԴ-ն հակասահմանադրական ճանաչեց հրամանի այդ կետը
Աշխատողը չպետք է վճարի ՊՇՌ թեստի համար. ՍԴ-ն հակասահմանադրական ճանաչեց հրամանի այդ կետը
18:59
23 Դեկտեմբերի 2021
8 ժամ ջուր չի լինի Երևանի վարչական շրջաններից մեկում
8 ժամ ջուր չի լինի Երևանի վարչական շրջաններից մեկում