Երկուշաբթի` դեկտեմբերի 2–ի առավել ուշագրավ նորությունները
08:00
03 Դեկտեմբերի 2019
ԵՐԵՎԱՆ, 3 դեկտեմբերի./Նովոստի–Արմենիա/. «Նովոստի–Արմենիա» գործակալությունը ներկայացնում է երկուշաբթի` դեկտեմբերի 2–ի առավել ուշագրավ նորությունների սեփական տարբերակը։
ՀՀ զինվորական դատախազությունը տեղեկացնում և զգուշացնում է, որ 2019 թվականի դեկտեմբերի 31-ից հետո այլևս չի գործելու օրենսդրական այն իրավակարգավորումը, համաձայն որի այն քաղաքացիները, որոնց հանդեպ պարտադիր զինվորական ծառայությունից խուսափելու հիմքով հարուցված է քրեական հետապնդում, կարող են օրենքով սահմանված չափով և կարգով ՀՀ պետական բյուջե գումար վճարելով ազատվել քրեական պատասխանատվությունից և կանգնել զինվորական հաշվառման:
Քաղաքական գործիչ Շանթ Հարությունյանի որդին` Շահեն Հարությունյանը, ով վերջերս է ազատվել «Իմ քայլը» խմբակցության պատգամավոր Երջանիկ Հակոբյանի օգնականի պաշտոնից, վանդալիզմի ակտ է կատարել հռչակավոր ռուս դիվանագետ, բանաստեղծ և դրամատուրգ Ալեքսանդր Գրիբոյեդովի արձանի նկատմամբ, որը տեղադրված է Երևանում։–0–