Դիլիջանի թունելը կիսով չափ հոսանքազրկվել է

ԵՐԵՎԱՆ, 18 փետրվարի./Նովոստի–Արմենիա/. Փետրվարի 18-ին՝ ժամը 18։30-ի դրությամբ Դիլիջանի թունելը կիսով չափ հոսանքազրկվել է Դիլիջանի տարածաշրջանի կողմից եկող մալուխի վնասվելու պատճառով, հայտնում է ՀՀ ՏԿԵՆ «Ճանապարհային դեպարտամենտ» ՊՈԱԿ-ը։

ՊՈԱԿ-ը հայցում է վարորդների ներողամտությունը և հորդորում երթևեկել՝ պահպանելով երթևեկության կանոնները։ 

«Աշխատանքներ են տարվում վթարը վերացնելու ուղղությամբ։ Կտրվի լրացուցիչ տեղեկատվություն», – հայտնում են գերատեսչությունից։–0–