Ալիևի հետ Սոչիում և Բրյուսելում տեղի ունեցած հանդիպումներից հետո տեսնում եմ խաղաղ զարգացման դարաշրջան բացելուն հնարավորություն․ Փաշինյան (ՎԻԴԵՈ)

ԵՐԵՎԱՆ, 20 դեկտեմբերի․/Նովոստի-Արմենիա/․ Սոչիում և Բրյուսելում տեղի ունեցած հանդիպումներից հետո ես տեսնում եմ հնարավորություն, որ մենք կարող ենք քայլ-քայլ առաջ շարժվել մեր երկրի և տարածաշրջանի համար խաղաղ զարգացման դարաշրջան բացելու ճանապարհով։

Այս մասին հայտարարել է ՀՀ վարչապետ Նիկոլ Փաշինյանն այսօր ԱԱԾ մարմինների աշխատողի օրվա կապակցությամբ կազմակերպված նիստի ժամանակ։

«Համենայնդեպս, Հայաստանի Հանրապետության կառավարությունն իրենից կախված ամենն անելու է՝ այս ուղղությամբ առաջընթաց արձանագրելու համար: Բայց առավելևս այս պայմաններում և միջավայրում Ազգային անվտանգության ծառայությունը պետք է կրկնապատկի իր զգոնությունը, մեծացնի իր գործունեության արդյունավետությունը, հենց բուն՝ Ազգային անվտանգության ծառայությունը և Ազգային անվտանգության ծառայության մարմինները, որովհետև այս նոր միջավայրի ձևավորումը շատ պատասխանատու և էական խնդիր է, որը միասին, իհարկե, պիտի փորձենք իրագործել», - նշել է Փաշինյանը։-0-