Երեքշաբթի` մայիսի 10–ի առավել ուշագրավ նորությունները
11.05.2016,
08:00
«Նովոստի–Արմենիա» գործակալությունը հրապարակում է երեքշաբթի` մայիսի 10–ի առավել ուշագրավ նորությունների սեփական տարբերակը։
![Երեքշաբթի` մայիսի 10–ի առավել ուշագրավ նորությունները Երեքշաբթի` մայիսի 10–ի առավել ուշագրավ նորությունները](/upload/iblock/318/938bu955q3k9bu55xe3yzbs545qaqx10.jpg)
ԵՐԵՎԱՆ, 11 մայիսի. /Նովոստի–Արմենիա/. «Նովոստի–Արմենիա» գործակալությունը հրապարակում է երեքշաբթի` մայիսի 10–ի առավել ուշագրավ նորությունների սեփական տարբերակը։
- «Պանամական օֆշորների» թարմացված ցուցակում, որը հրապարակվել է offshoreleaks.icij.org կայքում, հայտնվել է Հայաստանի հետ կապված 37 ֆիզիկական և իրավաբանական անձ։ Այս կապակցությամբ ՀՀ ԱԺ փոխխոսնակ Էդուարդ Շարմազանովը նշել է, որ «Պանամական օֆշորների» հետ առնչություն ունեցող պաշտոնյաները կպատժվեն, եթե «փողերի լվացման» փաստն ապացուցվի։
- Հայաստանի հավաքականի կիսապաշտպան Հենրիխ Մխիթարյանը հրաժարվել է երկարաձգել պայմանագիրը Դորտմունդի «Բորուսիայի» հետ։
- Երեքշաբթի խոշոր ու ողբերգական ավտովթար է տեղի ունեցել Երևանում: Վթարի հետևանքով 2 մարդ մահացել է, 3–ը տեղափոխվել են «Աստղիկ» բժշկական կենտրոն:
- Ucom–ը հերքել է Orange Armenia–ի վաճառքի մասին շրջանառվող խոսակցությունները։
- Հայաստանում Մոլդովայի քաղաքացի է կալանավորվել պլաստիկ քարտեր կեղծելու համար։
- Հայաստանի իշխանությունները չեն նախատեսում ստեղծել միջուկային զենք, երեքշաբթի լրագրողներին ասել է ՀՀ ԱԺ փոխխոսնակ Էդուարդ Շարմազանովը։ Երեքշաբթի Բրյուսելում կայացած ճեպազրույցի ժամանակ ԵՄ դիվանագիտության ղեկավար Ֆեդերիկա Մոգերինիի պաշտոնական ներկայացուցիչ Մայա Կոսյանչիչը, պատասխանելով Բագրատյանի հայտարարությունը մեկնաբանելու խնդրանքին, նշել է, որ ձեռնպահ կմնա պատասխանից` հայտարարելով, որ տվյալները պետք է ստուգվեն։–0–