Բելառուսի ԶՈՒ հրթիռային զորքերի և հրետանու պետը խորհրդակցության նպատակով ժամանել է Երևան

ԵՐԵՎԱՆ, 28 նոյեմբերի. /Նովոստի-Արմենիա/. Երկուշաբթի երկօրյա այցով Հայաստան է ժամանել Բելառուսի Զինված ուժերի հրթիռային զորքերի և հրետանու պետ, գեներալ-մայոր Գենադի Կազլովսկու գլխավորած պատվիրակությունը, հաղորդում է ՀՀ ՊՆ մամուլի ծառայությունը:

«Երևանում Կազլովսկու գլխավորած պատվիրակությունը կմասնակցի զինված ուժերում զորքերի և մարտական միջոցների ավտոմատ կառավարման ու օպերատիվ պատրաստության կազմակերպման հարցերով աշխատանքային հանդիպմանը», - նշվում է հաղորդագրության մեջ:

Խորհրդակցություններն անցկացվում են Հայաստանի Հանրապետության և Բելառուսի Հանրապետության պաշտպանության նախարարների հաստատած երկկողմ համագործակցության 2016 թ. ծրագրի համաձայն: -0-