Բանաստեղծական անակնկալ «Նովոստի-Արմենիա» գործակալությունից

ԵՐԵՎԱՆ, 21 մարտի. /Նովոստի-Արմենիա/. Պոեզիայի համաշխարհային օրվա առթիվ «Նովոստի-Արմենիա» գործակալությունը արտասովոր անակնկալ է պատրաստել իր ընթերցողուհիների համար` կանանց միամսայկի հետ կապված: Ընտրելով հայ հանրաճանաչ բանաստեղծների սիրուն նվիրված ստեղծագործություններից հատվածներ` գործակալությունը նվիրում է դրանք հիասքանչ կանանց, ովքեր միշտ ոգեշնչել և ոգեշնչելու են բոլոր ժողովուրդների և ժaմանակների բանաստեղծներին:

Սիրո երգիչ Սայաթ-Նովա



Աշխարհումըս ա՛խ չիմ քաշի, քանի վուր ջա՛ն իս ինձ ամա.
Անմահական ջըրով լիքըն օսկէ փընջան իս ինձ ամա.
Նըստիմ` վըրէս շըվաք անիս` զարբաբ վըրան իս ինձ ամա.
Սուչս իմա՛ցի, է՛նէնց սպանէ` սուլթան ու խան իս ինձ ամա:

Զգայուն և ապստամբ հոգով Եղիշե Չարենց



Լուսմփոփի՜ պես աղջիկ՝ աստվածամոր աչքերով,
Թոքախտավոր, թափանցիկ, մարմինի՜ պես երազի,
Կապու՜յտ աղջիկ, ակաթի ու կաթի պես հոգեթով,
Լուսամփոփի՜ պես աղջիկ․․․

Թախծոտ Վահան Տերյան



Քո հայացքը մոգական
Բորբոքում է քաղցր դող,
Պարուրիր ինձ կուսական
Հուզումներով քո դյութող։

Սիրո և թախիծի երգիչ Ավետիք Իսահակյան



Դու գնացիր, – ես մնացի
Բյուր մարդկանց մեջ մեն – մենակ
Սրտիս խորքում դառն լացի,
Խավարն իջավ կըրծքիս տակ:

Դյութիչ պոետ Հովհաննես Շիրազ



Օ՜, թե իրավ են փոխում սրտերը, 
Թող իմն էլ փոխեն՝ անսեր մի սրտով, 
Որ այս սրտիս հետ կորչի իմ սերը, 
Գեթ մոռանամ քեզ , ապրեմ անվրդով: 
Կամ ծիածանվի քնարս անպես, 
Որ տակից անցնես ու առնաս տղա, 
Որ անհետ չքվի սերս աղեկեզ, 
Քեզ հիշելիս էլ՝ սիրտս չդողա...

Պոետ-փիլիսոփա Պարույր Սևակ



Այս ձեռքերը՝ մո՜ր ձեռքերը,

Հինավուրց ու նո՜ր ձեռքերը…

Ինչե՜ր ասես, որ չեն արել այս ձեռքերը…
Պսակվելիս ո՜նց են պարել այս ձեռքերը՝
Ի՜նչ նազանքով,
Երազանքո՜վ: -0-