Ադրբեջանական ռազմական օբյեկտների ոչնչացման նոր կադրեր են հայտնվել համացանցում

ԵՐԵՎԱՆ, 8 դեկտեմբերի. /Նովոստի–Արմենիա/. Voskanapat.info հրատարակությունը տարածել է Ադրբեջանի զինված ուժերի մարտական հենակետերի և ռազմական ավանների ոչնչացման նոր կադրեր։

«Տեսանյութում հստակ երևում է, թե ինչպես են հայկական կողմի ականանետային գնդակոծման հետևանքով ոչնչացվում հակառակորդի ամենաքիչը երեք բազաներ և մի քանի զինծառայողներ։ P.S.` Ողջույն Ջալալ Հարությունյանից», – նշում է հրատարակությունը:

Ջալալ Հարությունյանը Ղարաբաղի պաշտպանության բանակի գնդապետ է, որի ոչնչացման մասին հայտարարել էին ադրբեջանական զինված ուժերը, սակայն ավելի ուշ գնդապետ Հարությունյանը հերքել էր այդ ապատեղեկատվությունը։–0–