Ավելի քան 30 ցմահ բանտարկյալներ հացադուլ են հայտարարել` պահանջելով վերանայել իրենց գործերը

ԵՐԵՎԱՆ, 16 դեկտեմբերի. /Նովոստի–Արմենիա/. Հայաստանում 35 ցմահ բանտարկյալներ հացադուլ են հայտարարել` պահանջելով վերանայել իրենց գործերը, «Նովոստի–Արմենիա» գործակալությանը տեղեկացրեց ՀՀ արդարադատության նախարարության Քրեակատարողական վարչության մամուլի քարտուղար Գոռ Ղլեչյանը։

Բանտարկյալները պահանջում են վերանայել պայմանական–վաղաժամ ազատ արձակման հնարավորությունը։

ԶԼՄ–ների տվյալներով` ավելի վաղ ցմահ բանտարկյալները դիմել էին ՀՀ նախագահ Սերժ Սարգսյանը, սակայն նրանց դիմումը փոխանցվել էր արդարադատության նախարարին։

Հայկական մամուլի հրապարակումների համաձայն` իշխանությունները բավարարել են դատապարտյալների պահանջներից միայն մեկը, որը վերաբերում էր հարազատների հետ տեսակցությունների թվի ավելացմանը։

Այս պահին Հայաստանում ցմահ բանտարկության է դատապարտված մոտ 100 մարդ։–0–