Հրաձիգ Էլմիրա Կարապետյանը` Եվրոպայի առաջնության արծաթե մեդալակիր
ԵՐԵՎԱՆ, 3 մարտի․/Նովոստի-Արմենիա/․ ⠀ Երևանում ընթացող Եվրոպայի առաջնության մրցումային 4-րդը օրը Էլմիրա Կարապետյանը դուրս եկավ եզրափակիչ։
Ըստ ՀՀ Հրաձգության ֆեդերացիայի մամուլի ծառայության տրամադրած տեղեկատվության, Էլմիրա Կարապետյանը` եզրափակիչ է դուրս եկել օդամղիչ ատրճանակ կանանց սոլո մրցաձևում։
Ոսկե մեդալի համար պայքարում Կարապետյանն ուժերը չափեց Հունգարիայի ներկայացուցիչ Օլիմպիական խաղերի բրոնզե մեդալակիր Վերոնիկա Մայորի հետ և զիջեց 12:15 հաշվով:
Էլմիրա Կարապետյանը երկրորդ տարին անընդմեջ Եվրոպայի առաջնության արծաթե մեդալակիր է դառնում:
Նշենք, որ Հայաստանը հյուրընկալել է Սպորտային հրաձգության Եվրոպայի մեծահասակների առաջնությունը:
Առաջնությունը անցկացվում է փետրվարի 27-ից մարտի 5-ը Կարեն Դեմիրճյանի անվան մարզահամերգային համալիրում:
Առաջնության շրջանակում խաղարկվում է մեդալների 70 հավաքածու։
