ԵՐԵՎԱՆ, 20 հունվարի./Նովոստի–Արմենիա/. «Մանչեսթեր Յունայթեդի» գլխավոր մարզիչ Ժոզե Մոուրինյուն ասուլիսի ժամանակ խոսել է Հենրիխ Մխիթարյանի և Ալեքսիս Սանչեսի փոխանակման մասին, գրում է
football.sport.ua–ն։
«Կարծում եմ, որ բոլորն արդեն գիտեն, որ ամեն ինչ ընթացքի մեջ է, հատկապես այն բանից հետո, երբ «Արսենալի» մարզիչը հրապարակային խոսեց այդ մասին։ Այդ պատճառով մեր մասնակցությունը ժխտելու որևէ իմաստ չկա։ Սակայն ոչինչ դեռ ավարտված չէ, և այս պահին Մխիթարյանը մեր խաղացողն է, իսկ Սանչեսը` «Արսենալինը»։ Վաղը մենք հանդիպում ունենք, հիմա ես ամբողջովին մտածում են այդ կարևոր խաղի մասին», – նշել է Մոուրինյուն։
Загружается новость ... "Лево"
«Կախվա՞ծ է, արդյոք, Սանչեսի տեղափոխությունը Մխիթարյանից, չգիտեմ։ Մարդիկ մտածում են, թե մարզիչներն ակտիվորեն մասնացկում են բանակցություններին, սակայն ես անձամբ նախընտրում եմ զբաղվել այլ գործերով։ Այնպես որ ես հիմա հանգիստ սպասում եմ ինչ–որ նորությունների և վերջ։ Ես մանրամասն կխոսեմ Սանչեսի մասին, եթե մենք պայմանագիր ստորագրենք նրա հիմա, սակայն հիմա նա «Արսենալի» խաղացողն է, ոչ թե իմ։ Չկա ոչ մի իմաստ քննարկելու այն, ինչ կարող է տեղի ունենալ և կարող է նաև տեղի չունենալ», – ասել է Ժոզե Մոուրինյուն։
Հարկ է նշել, որ Սանչեսի մասին հարց են տվել նաև Պեպ Գվարդիոլայի ասուլիսի ժամանակ։
«Սանչե՞ս, ես թվերից և մաթեմատիկայից շատ հեռու եմ», – պատասխանել է նշել է «Մանչեսթեր Սիթիի» գլխավոր մարզիչը։ «Կարծում եմ` նա կտեղափոխվի «Մանչեսթեր Յունայթեդ», շնորհավորանքներս», – ասել է Գվարդիոլան։
Ավելի վաղ Մխիթարյանի գործակալ Մինո Ռայոլան հայտարարել է, որ ՄՅՈւ–ն չի գնի Սանչեսի տրանսֆերը մինչև Մխիթարյանը «Արսենալի» հետ չհամաձայնեցնի պայմանագրի բոլոր կետերը։ –0–
