Տղամարդը կրակ է բացել ԱՄՆ-ի Վիրջինիա Բիչ քաղաքում, 12 մարդ է զոհվել

ԵՐԵՎԱՆ, 1 հունիսի. /Նովոստի-Արմենիա/. ԱՄՆ-ի արևելքում Վիրջինիա Բիչ քաղաքում տեղի ունեցած հրաձգության հետևանքով 12 մարդ է զոհվել, տասը վիրավորվել է, նրանց թվում` մեկ ոստիկան:

Ինչպես գրում է «Կոմերսանտը», հղում անելով Reuters-ին, կրակողը մահացած է:

Նահանգի ոստիկանապետ Ջեյմս Սերվերի խոսքով, կրակողը քաղաքապետարանի «դժգոհ» ծառայող էր: Առայժմ հայտնի չէ` նրան կրակել են ուժայինները, թե նա ինքնասպանություն է գործել:

CNN-ի հաղորդմամբ, դեպքի վայրում հայտնաբերվել են կիսաինքնաձիգային ատրճանակ և հրացան: Իրավապահ մարմինները կարծում են, որ կասկածյալը հրազենն օրինական ճանապարհով է ձեռք բերել:

Հրաձգությունը սկսվել է քաղաքապետարանի հարևանությամբ գտնվող մասնաշենքերից մեկում: -0-